Read Huli Iba Gana 2 Bible Online

Iba Gana 2 - Huli bible

Iba Gana 2

¹Hameigini tara tara palu ngarume handabe manga hami̱ya lalu lo manda bialu kago aginagabe. Wali agali urunime aguaore bami̱ya lalu ndi nde lalu karu irane aginagabe.

²Anduane Homogohondobi mbirali kini helo ibugua dabayagohondobi wali agali tinaga kinirume wai bule manda bu ka. Haru hagarumebi mandagi mo mogobu biruwa handabe manga halu ti hoba mialu kagoni.

³Wali agali o biarume lalu, Libugua ina haru hole dariba hayago hado wahami̱ya, lalu ka. Libugua ina haru nahelo yu wahami̱ya, lalu ka.

⁴Anidagua lalu kagoni. Anduane Homogo ibu dahuliya andaga ibuninaga dagiani handadaliho biruwa ti hondo oba halu ka. Tigua ni lo manda biraruni bame de gangabi henene halu buluba ndodagola ibugua mo yo hondo ka.

⁵Ani bialu ti bayale bidabani keba holeneme ti mini wilo mo gi halu ka.

⁶Ibugua keba howa lalu, I̱naga Hari Saiono loma bini ngagoria i̱naga kini ibu ogoriani tagira íbu heledo, lene.

⁷Kini ogoni ibugua agua lolebira. Anduane Homogohanda ledadagua latagi halu larogo. Ibugua i̱hondo lalu, Í̱ i̱ igini kegoni. Áyu i̱ í̱ aba harogoni.

⁸Wali agali hameigini tara tara palu ngaru bibahende i̱na haru hoabe lariyagua ani bia lolebero. Dindi bibahendebi mbirale bibahende ngarunibi í̱naga dege holebira.

⁹Uruni bibahende í̱na kangome bo podolebere. Mbodoli be gingiru laradagua bibahende bo gingirulo paya paya bulebere.

¹⁰Bi hiriribi urunibi lene ngago manda buwa dindini kini harimidaru tíni tiga bialu halimu. Haru haga bibahende harimidaru tíbi hale halu bayuwa manda bilimu.

¹¹Gi howa Anduane Homogonaga biabe bialu halimu. Duru lalu ma podope halu ibu igini mitangi bialu lotu lalimu. Ibu abale keba haragola tí homo tongolodaga holigo tí mini wialu ogonidagua bilimu. Ibuha mo humbi howa ha do ho karu ti turubioreni ka.