Read Huli Iba Gana 20 Bible Online

Iba Gana 20 - Huli bible

Iba Gana 20

¹Í̱ genda yu kengi Anduane Homogohanda biamogo bilo. Yagabanaga Ngode Datagaliwabehanda í̱ handayaho helo.

²Ibugua ibuni anda Saiononi kagoria howa í̱ baya hangu handayaho halu mo hongo helobi hamelo ko.

³Ibugua í̱na lomabu mererubi loma irani dai helo bu delaregobi bibahende hondowa turuho helo.

⁴Í̱ mbirale hamelo keru bibahende ibunime ngilo. Biabe maru biaore bule lalu miniha mandabu keru ibugua í̱ biamogo bilo hamelo ko.

⁵Í̱na wai bialu wayali harengi iname turu hai howa inanaga Ngode Datagaliwabe kagonaga mini yaraga holeberema. Anduane Homogo ibunime í̱naga bi lareru bibahende hale hai helo hamelo ko.

⁶Anduane Homogohanda mbirali ibunime dabo helene kago biamogo biagago i̱ manda bu kogoni. Ibuni dahuliya andaga bayale ngagoria howa ibugua i̱naga bi larogo hale hagaore ka. Hale howa ibuninaga hongomeore i̱ pele ngiragola i̱na wai bialu wayali haruli.

⁷Hameigini maru bu karume wai biaga garo ale ngagoria tinaga mini hanaho haga ka. Marume wai biaga nogo hosi karunaga hongoni mini hanaho haga ka. Iname nde Anduane Homogo inanaga Ngode Datagaliwabe kagonaga minini hanaho haga kamagoni.

⁸Agali uruni ti ibira halu ereba hai holebiragoyu iname heyalu hongohe ho aribia holeberema.

⁹Anduane Homogo-o í̱na inanaga kini kago wayali helo mo hongo habe. Iname í̱ olalu kamangi í̱na hale howa biamogo bibe.