Read Huli Iba Gana 23 Bible Online

Iba Gana 23 - Huli bible

Iba Gana 23

¹Anduane Homogo ibu i̱naga haru haga kagoni. Ani kagome i̱ buru pale mbira ngagola ibunime karulape ngulebira.

²Ibugua i̱ tani gahenge kagoriabi iba gagahe bedagoriabi ema nabi biruliya haru haga ka.

³Ibugua hongo gahenge i̱ ngiaga. Ibugua ala bulebero lalu lo wiyadagua i̱ hariga tigabini haru piaga ka.

⁴I̱ homolene ngagoria kaware pu haruyaguabi i̱ gi naholebero. Anduane Homogo-o í̱ore i̱ heba haabo haga kegoni. Í̱naga kango halimbubi yidegome i̱ biamogo biaga.

⁵I̱naga waitigi karu handaya ho helowa í̱na i̱ tomo karulapeore noliya manda manda bu ngiaabo harili. Agali haguaneru tomo nabiya ibabe lowa bulenedagua habane nabuleneore i̱ kogohondo biaga ke. I̱naga iba beha iba hambu to̱la tagiore howa ngiaga ke.

⁶Í̱naga gubalini haho wiaabo holenebi dara howa biamogo bulenebi i̱ porodagua mandagi ibagabu haaboore holebiralo manda bido. I̱na Anduane Homogo í̱ andagaha haabo holebero.