Read Huli Iba Gana 28 Bible Online

Iba Gana 28 - Huli bible

Iba Gana 28

¹Anduane Homogo-o í̱ ege to̱le̱ ale hongohe kego í̱na i̱ biamogo bibelo olalu kogoni. I̱na í̱ olarogo haleore habe. Í̱na i̱naga bi larogo hale halu i̱ biamogo nabiriyagua nde i̱ agali homene dindiha pu karu ale holeberodalo manda bido.

²I̱na i̱ biamogo bia lalu í̱ olalu kogola í̱na i̱naga bi hale habe. I̱na í̱ninaga anda loma bia heneha í̱ keria i̱naga gi yaraga halu í̱hondo bi lalu kogola hale habe laro.

³Í̱na mini kowi karu heba i̱ bope nahabe. Uruni tigua mana ko biaga howa bi bayale dege lalu miniha handabe manga holene ngaru doho haga kago i̱ ti heba mo ko hamaga nahabe.

⁴Tigua ko uruni biyagonaga pani nelo mibe. Ko biaganego pani nelo mo mibe. Tinime mana ko bibahende biyarunaga tini biyagobi pani nelo migi bibe.

⁵Agali ko uruni tigua Anduane Homogohanda biabe timbuni bini ngaru mitangi nahagabi bibahende wabini ngaru mitangi nahagabi ka. Tigua ani bialu kagonaga pani mialu ibugua ti bo wahaiore holebira.

⁶Anduane Homogohanda i̱na dugu bialu biamogo bia lalu olalu harugola ibugua hale hayagonaga i̱na ibunaga mini yaraga harogoni.

⁷Anduane Homogo ibugua i̱ handaya howa i̱naga humbi ale kagoni. Ibu karulapeore kago mitangi bialu i̱ ibuha hanaho kogoni. Ibugua i̱ biamogo biaga kago i̱na turu halu iba ganaru lalu ibunaga mini yaraga halu kogoni.

⁸Anduane Homogohanda ibunaga wali agaliru baya hangu handayaho haga. Ibugua agali kini helo ibunime dabo helayagobi biamogo bialu mamage ho haga ka.

⁹Anduane Homogo-o í̱naga wali agali pele mialu ti í̱ninagaore helo dabo helarigo í̱nime bayuwa biamogo bibe. Nogo sibi haru haga ale howa í̱na wali agali uruni tinaga haru haganeore í̱ni howa ti bayuwa handaya halu haru haabo habe.