Read Huli Iba Gana 3 Bible Online

Iba Gana 3 - Huli bible

Iba Gana 3

¹Anduane Homogo-o i̱naga waitigi dewaore bu kagoni. Tigua i̱ bole manda mandabu kagoni.

²Tigua i̱ lo guralu howa lalu, Ngode Datagaliwabehanda í̱ biamogo nabulebira, lalu ka.

³Ti ani laragoyu Anduane Homogo-o í̱ i̱naga wai humbi ale howa i̱ ho hangai haga kegoni. Í̱nime i̱ wayali holiya biamogo biaga ke. Í̱nime i̱naga genda bu ngago mo wahalu i̱ mo hongo haga kegoni.

⁴I̱na Anduane Homogohondo, I̱ biamogo bia, lalu olaruli. Ibuninaga hari loma biahene biagoria howa ibugua i̱na bi larogo ladai biaga ka.

⁵Mbiraga i̱ paliahondo kogola Anduane Homogohanda i̱ handayaho haga ka.

⁶Ami agali daosini pira agimame (10,000) i̱ ho hagira biragola i̱na ti hondowa gi naholebero.

⁷Anduane Homogo-o í̱ ibabe. I̱naga Ngode Datagaliwabe-o i̱ biamogo bule ibabe. I̱naga waitigi karu baba wai biaga í̱ kegoni. Agali ko karume i̱ mo ko nahelo tinaga ne bo hondaga kegoni.

⁸Anduane Homogo í̱ni hangume í̱naga wali agali karu haru dai biaga kegoni. Ti bayale helo í̱na biamogo bibelo hamelo ko.