Read Huli Iba Gana 70 Bible Online

Iba Gana 70 - Huli bible

Iba Gana 70

¹Ngode Datagaliwabe-o ainde i̱ore pele ngibe. Anduane Homogo-o í̱na áyu ogoni i̱ biamogo bule íbu.

²Agali marume i̱ homelo bo wahole karu tiore taga halu pelo í̱na ti bope halu mo luluya habe. Agali marume i̱ genda yu kogonaga turuho karu í̱na ti taliai halu tinaga mini bope halu mo dindiha ho helabe.

³Agali i̱ mege bima ibaga bialu karuni mana tinime bialu karu nagalone bialu harimada lowa mogolo hendelo í̱na ti mo taga habe.

⁴Wali agali í̱ keria ibaga karu ti dege turubi howa í̱niha mini hanaho helo. Wali agali í̱nime pele mirigonaga turu haga karu uruni tigua bibahendengi laabo halu lalu, Ngode Datagaliwabe ibu duniniore ka, lalu helo.

⁵Ngode Datagaliwabe-o i̱ninaga hongo nakarulape kogonigo i̱ koria abale ibabe. I̱naga Anduane Homogobi Pele Ngiagabi í̱niore kego i̱ biamogo bule emene handayaha nabi abaleore ibabe.