Read Huli Iba Gana 75 Bible Online

Iba Gana 75 - Huli bible

Iba Gana 75

¹Ngode Datagaliwabe-o iname í̱hondo ka̱i̱ lalu kama. Í̱hondoore iname ka̱i̱ laabo halu kamagoni. Iname í̱ mini leneore kego latagi halu mbirale bayale tara tara í̱na biriru te lalu kamagoni.

²Ngode Datagaliwabehanda lalu, Godi lolene horo mbira daba bagiho ngeledo. I̱na godi larogo tigabiore lalu wali agali ta nabihondo ogobi dege dege laruli.

³Wali agalibi nogo tara tarabi dindini bu karuni bibahende gi hai howa duru layaguabi dindibi dumbirumbi bialu ema biyaguabi i̱na dindinaga gene dunini karu yania ho kogola hongohe wiaabo holebira.

⁴I̱na wali agali mana ko biaga hearuhondo, Tíore mine nahe halimu, lalu wali agali balagala haga hearuhondo, Tíninaga mini yaraga nahe halimu.

⁵Tígua tíni mandabi tingi howa mine nahalimu, lalu laragoni.

⁶Wali agalime bialu karu manani dabaki bule ni tagira ibiragohayagi howabi ni paliragohayagi howabi uyurahayagi howabi unurahayagi howabi ndo ibaga.

⁷Ngode Datagaliwabe ibunimeore daba ki biaga ka. Ibugua agali mendego mo dindiha halu mendego mo yaraga haga ka.

⁸Anduane Homogohanda ibunaga gini gabo be mbira yu haga. Gabo be ogoniha ibunaga keba holene waini iba ale biru to̱leda. Ibunime odope haragola wali agali ko biaga karume naiore haga.

⁹I̱na horo bibahendengi Yagabanaga Ngode Datagaliwabe kagonaga mini lalu howa ibunaga mini yaraga halu iba gana lalu haabo holebero.

¹⁰Ibugua wali agali ko biaga karunaga hongo bo ereba halu wali agali tigabi karunaga hongo holene ibugua mo tago halu timbuniore helolebira.