Read Huli Iba Gana 98 Bible Online

Iba Gana 98 - Huli bible

Iba Gana 98

¹Anduane Homogohondo iba gana gahenge lama. Ibugua mbirale baya tara tara biai hayagoni. Ibuninaga hongo timbuni kagomebi ibunaga mana baya burugule ngagomebi ibugua waitigi bope hai hayagoni.

²Anduane Homogohanda wai buwa i̱na wayali haru lalu latagi haya. Ibugua Isaraele wali agaliru pele mialu haru dai bulenaga hongo timbuni wali agali tara tara bu hearuhondo walia hayagoni.

³Ibugua ibunaga bi lowiniru mitangi bialu Isaraele wali agalihondo gubalini haabo halu ti yu wanaheore heneya. Inanaga Ngode Datagaliwabehanda ina waitigi bope halu ina haru dai biyago wali agali dindi bibahendeha bu hearume hale halu manda biaiore haya.

⁴Wali agali dindi bibahendeni kamiru tígua Anduane Homogohondo turu halu iba gana ladaba. Bu miniha dungulo holenaga iba gana turu howa dalimu lalu ibunaga mini yaraga hadaba.

⁵Anduane Homogonaga mini yaraga halu iba gana ladaba. Ngida aleru baya hangu balu bi bayaleru lelo badaba.

⁶Pilipe biguliru pu lalu bi hongo howa ladaga halu Anduane Homogo ibuni inanaga kini kago lalu ibunaga mini yaraga hadaba.

⁷Iba solowara bedego í̱bi ibaha wena tara tara bedamirubi tígua bi hongo howa ladaga hadaba. Dindi í̱bi wali agali dindini kamirubi tí bibahendeme iba gana ladaba.

⁸Iba timbuni poramiru tíguabi nde gi habe badaba. Dindi hari wedemiru tíguabi nde turu howa Anduane Homogonaga deni iba ganaru ladaba.

⁹Irane ibugua dindi bibahendeni handameho howa haru hole ibiragonaga ani bidaba. Ibugua ibunaga mini bayale tigabi ngagome wali agali bibahende haru haabo holebira.