Read Huli Yaremaia 45 Bible Online

Yaremaia 45 - Huli bible

Yaremaia 45

¹Yosaia igini Yahoiagimi ibu Yuda dindiha mali tebira kini howa mali mane heagola Yaremaiahanda Neria igini Baruguhondo bi lamini. Yaremaiahanda Anduane Homogonaga bi ibuhondo lamiyago damene Barugu lamiyagola Barugu ibugua mbuga mbirani gilibu wiai hene. Libugua biabe ogoni bialu biruwa Yaremaia ibugua Baruguhondo lamialu lalu,

²Anduane Homogo Isaraele wali agalinaga Ngode Datagaliwabe ibugua í̱hondo bi ogodagua lara, Barugu-o í̱na bi agua lari, I̱ genda tandagabi timbuniore handalu kogoha Anduane Homogohanda genda dewaore lone mo tago halu ka. I̱na dugu dege bialu haabo halu ainde manga ko. I̱ha genda damene ngago ereba nahe wiaabo ka, larigoni. Ani larigo ai Barugu-o Anduane Homogo i̱na í̱hondo bi ogo ladai berogo hale habe. I̱ Anduane Homogo i̱na mbirale bini ngoru bibahende bo gialahole bero. Ani bialu i̱na hangarugo damene bibahende dugu wahai haro. Mbirale bo gialo wahai halu dugu wahai holeberodaruni dindi bibahendeha ani biaiore holebero.

⁵Ani buleberogo ai í̱ha bayale dege ngelo hamelo kego agibe. Í̱na mini ogonidagua wu kegoni wahabe. I̱na dindi bibahende mo ko hai harogola dindi í̱ poleberegoha tigua í̱ bo wa nahelo i̱na biamogo bialu í̱ homa nabi ibida pobelonaga hariga walia holebero. I̱ Anduane Homogo i̱na bi o ledogoniore, laya lalu Yaremaiahanda lene.