Read Iban Pemungkal 36 Bible Online

Pemungkal 36 - Iban bible

Pemungkal 36

¹Baka tu ku peturun Esau. (Iya mega dikumbai Edom).

² Esau jadi enggau indu orang Kanaan. Sida nya: Adah anak Elon orang Iti; Oholibamah anak Anah, uchu Sibeon, orang Ibi;

³ enggau Basemat anak Ismail, menyadi Nebaiot.

⁴Adah ngadaka Elipas; Basemat ngadaka Reuel;

⁵lalu Oholibamah ngadaka Jeus, Jalam, enggau Kurah. Semua anak lelaki tu ada di menua Kanaan magang.

⁶Udah nya Esau lalu mai sida bini iya, enggau bala anak lelaki iya, bala anak indu iya, enggau semua orang ke diau dalam rumah iya, sereta enggau semua raban jelu tupi iya enggau semua reta tengkira ti udah ulih iya di menua Kanaan, angkat ninggalka menyadi iya Jakop, lalu mindah jauh ngagai menua bukai.

⁷Iya angkat laban menua ti alai seduai iya Jakop diau, enda chukup alai seduai iya beridup. Jelu tupi seduai iya nyau kelalu mayuh, lalu seduai iya enda agi ulih diau begulai.

⁸Nya alai Esau diau di menua ti bebukit di Edom.

⁹Baka tu ku bala peturun Esau, ti nurunka orang Edom.

¹⁰Bini Esau ke benama Adah ngadaka siku anak lelaki, Elipas, lalu Elipas bisi lima iku anak lelaki: Teman, Omar, Sepo, Gatam, enggau Kenas. Ari bini iya ke benama Timna, Esau bisi siku agi anak lelaki, ke benama Amalek. Bini Esau ke benama Basemat ngadaka anak lelaki siku, Reuel, lalu Reuel bisi empat iku anak lelaki: Nahat, Serah, Samah, enggau Misah.

¹⁴Bini Esau ke benama Oholibamah anak Anah, uchu Sibeon, ngadaka tiga iku anak lelaki: Jeus, Jalam, enggau Kurah.

¹⁵Baka tu ku suku raban bansa ti diturunka Esau: anak lelaki Esau ke tuai, ke benama Elipas, nurunka suku raban bansa Teman, Omar, Sepo, Kenas,

¹⁶Kurah, Gatam, enggau Amalek. Semua sida tu peturun Esau magang ari bini iya Adah.

¹⁷Anak lelaki Esau ke benama Reuel nurunka suku raban bansa Nahat, Serah, Samah, enggau Misah. Sida tu diturunka bini Esau ke benama Basemat.

¹⁸Baka tu ku suku raban bansa ti diturunka Esau ari bini iya ke benama Oholibamah anak Anah: Jeus, Jalam enggau Kurah.

¹⁹Semua suku raban bansa tu diturunka Esau (iya nya Edom) magang.

²⁰Orang ke dulu nguan menua Edom, dibagi ngagai berapa bengkah suku raban bansa. Sida tu peturun Edom, orang Hori. Raban bansa nya nyengkaum raban peturun Lotan, Sobal, Sibeon, Anah, Dison, Eser, enggau Disan.

²²Lotan nurunka raban peturun Hori, enggau raban bansa Heman. (Lotan bisi menyadi indu siku ke benama Timna.)

²³Sobal nurunka raban peturun Alban, Manahat, Ebal, Sepo, enggau Onam.

²⁴Sibeon bisi dua iku anak lelaki, Aiah seduai Anah. (Anah tu orang ke tetemuka mata ai ti angat di menua puang lebuh iya ngibun raban keledai apai iya.)

²⁵Anah nya apai Dison, ke nurunka raban peturun Hemdan, Esban. Itran, enggau Cheran. Anah mega bisi siku anak indu ke benama Oholibamah.

²⁷Eser nurunka raban peturun Bilhan, Saban, enggau Akan.

²⁸Disan nurunka raban peturun Us enggau bala raban bansa Aran.

²⁹Tu suku raban bansa orang Hori ke diau di menua Edom: Lotan, Sobal, Sibeon, Anah, Dison, Eser, enggau Disan.

³¹Sebedau menua Israel bisi raja, tu nama sida raja ke betangkan-tangkan megai perintah di menua Edom: Bela, anak lelaki Beor, ari Dinhabah Jobap, anak lelaki Serah, ari Bosrah Husam ari menua Teman Hadat, anak lelaki Bedat ari Abit (iya udah ngalahka orang Midian ba siti perang ti nyadi di menua Moap) Samlah, ari Masrekah Saul, ari Rihobot-ti-ba-Sungai Baal Hanan, anak lelaki Akbor Hadat, ari Pau (bini iya Mehetabel, anak indu Matret, uchu Mesahap)

⁴⁰Esau nurunka suku raban bansa: Timna, Albah, Jetet, Oholibamah, Elah, Pinon, Kenas, Teman, Mipsar, Makdil, enggau Iram. Menua ti diuan siti-siti suku raban bansa tu ngangkatka nama suku raban bansa nya empu.