Read Iban Pemungkal 5 Bible Online

Pemungkal 5 - Iban bible

Pemungkal 5

¹ Baka tu ku ripih peturun Adam. (Lebuh Allah Taala ngaga mensia, Iya ngaga sida baka gamal Iya Empu.

² Iya ngaga sida lelaki enggau indu, merekatka sida, lalu ngumbai sida “Mensia”)[35]

³Lebuh umur Adam 130 taun, iya bisi siku anak lelaki ke sebaka gamal enggau iya empu, lalu iya meri iya nama Set.

⁴Udah nya Adam idup 800 taun. Iya bisi anak ti bukai

⁵lalu iya mati umur 930 taun.

⁶Lebuh Set umur 105 taun, iya bisi anak lelaki siku benama Enos,

⁷lalu Set idup 807 taun udah lepas nya. Iya bisi anak ti bukai

⁸lalu iya mati umur 912 taun.

⁹Lebuh umur Enos 90 taun, iya bisi siku anak lelaki benama Kenan,

¹⁰lalu Enos idup 815 taun udah lepas nya. Iya bisi anak ti bukai,

¹¹lalu iya mati umur 905 taun.

¹²Lebuh Kenan umur 70 taun, iya bisi siku anak lelaki benama Mahalalel,

¹³lalu Kenan idup 840 taun udah lepas nya. Iya bisi anak ti bukai

¹⁴lalu iya mati umur 910.

¹⁵Lebuh Mahalalel umur 65 taun, iya bisi siku anak lelaki benama Jaret,

¹⁶lalu Mahalalel idup 830 taun udah lepas nya. Iya bisi anak ti bukai

¹⁷lalu iya mati umur 895 taun.

¹⁸Lebuh umur Jaret 162 taun, iya bisi anak lelaki siku benama Enok,

¹⁹lalu Jaret idup 800 taun udah lepas nya. Iya bisi anak ti bukai

²⁰lalu iya mati umur 962 taun.

²¹Lebuh umur Enok 65 taun, iya bisi siku anak lelaki benama Metuselah.

²²Udah bekau nya, Enok diau begulai sejalai enggau Allah Taala 300 taun, lalu bisi anak ti bukai.

²³Enok idup datai ngagai umur 365 taun.

²⁴ Iya diau begulai sejalai enggau Allah Taala, lalu udah nya iya lesap, laban Allah Taala ngambi iya.

²⁵Lebuh Metuselah umur 187 taun, iya bisi siku anak lelaki benama Lamek,

²⁶lalu Metuselah idup 782 taun udah lepas nya. Iya bisi anak ti bukai

²⁷lalu iya mati umur 969 taun.

²⁸Lebuh Lamek umur 182 taun, iya bisi siku anak lelaki

²⁹lalu ku iya, “Anak mit tu deka ngelantangka kitai ti ngereja pengawa ti mar ba tanah ti udah disumpah TUHAN”. Nya alai iya meri iya nama Noah.[36]

³⁰Lamek idup 595 taun udah lepas nya. Iya bisi anak ti bukai

³¹lalu iya mati umur 777 taun.

³²Lebuh Noah umur 500 taun, iya bisi tiga iku anak lelaki, Sem, Ham enggau Japet.