Read Iban 1 Raja 7 Bible Online

1 Raja 7 - Iban bible

1 Raja 7

¹Solomon mega ngaga istana ke iya empu. Pengelama iya ngaga istana nya tiga belas taun.

²Pemanjai balai ti dikumbai Balai Utan Menua Lebanon [10] nya 44 meter, buka iya 22 meter, lalu peninggi iya 13.5 meter. Balai nya bisi tiga [11] iti rintai tiang ti besai ti digaga ari kayu sidar, lima belas batang tiang dalam siti-siti rintai, lalu bisi pengerat ti digaga ari kayu sidar nyengkar ba puchuk tiang nya. Dek nya digaga ari kayu sidar, ti nyengkar ari atas bilik alai nyimpan reta tengkira. Dek tu dipanggaika ba pala tiang nya.

⁴Ba dua iti dinding bisi tiga rintai jenila.

⁵Lubang pintu enggau lubang jenila [12] bisi langkar ti besegi empat, lalu tiga iti rintai jenila ba dinding ti sepiak betapak enggau jenila ti ari sepiak.

⁶Nyadi balai ti dikumbai Balai Tiang nya panjai 22 meter, lalu buka iya 13.5 meter. Balai nya bisi siti serambi ti ditungkat ngena tiang.

⁷Bilik alai kerusi diraja, ti mega dikumbai Balai Pechara, alai Solomon ngatur pechara, didinding ngena papan kayu sidar kenyau ari geladak nyentuk ngagai perabung. [13]

⁸ Rumah Solomon empu, ti ba siti tengah laman di belakang Balai Pechara, digaga baka rumah ti bukai. Iya mega ngaga rumah ti sebaka enggau nya ke bini iya, iya nya anak indu raja menua Ejip.

⁹Semua rumah nya, enggau tengah laman ti besai digaga ari batu ti manah, berengkah ari batu pemun nyentuk ngagai kaki atap. Batu nya disediaka ba endur alai orang ke ngulihka batu, lalu ditetak ngena penyayat nitihka sukat ti diguna.

¹⁰Batu pemun ke rumah nya digaga ari batu ti besai ti disediaka ba endur alai orang ke ngulihka batu. Sekeda batu nya 3.5 meter panjai, sekeda 4 meter.

¹¹Batu ti bukai, ti udah ditetak nitihka pemesai ti diguna, diengkahka ba atas batu ti besai nya, sama enggau sengkar ti digaga ari kayu sidar.

¹²Dinding ke tengah laman istana, enggau tengah laman dalam Rumah Sembiang, enggau dinding ke bilik penama ngagai Rumah Sembiang, digaga ari selapis papan kayu sidar beselat enggau tiga lapis batu ti udah ditetak.

¹³Raja Solomon mesanka orang siku ke benama Huram. Huram tu tukang ke diau di nengeri Tire. Iya landik begagaka utai ari temaga.

¹⁴Niang apai iya datai ari Tire. Lalu apai iya mega landik begagaka utai ari temaga. Indai iya datai ari raban bansa Naptali. Huram tu tukang ke pandai sereta lama udah begagaka utai nya. Nya alai iya nyambut pinta raja ke ngasuh iya nyadi tuai semua orang ke bekereja begagaka utai ari temaga.

¹⁵Huram ngaga dua iti tiang temaga ngena chuan. Peninggi siti-siti tiang nya 8 meter, lalu sakap iya 5.3 meter. [14] Tiang nya didirika iya ba penama ngagai Rumah Sembiang.

¹⁶Iya mega ngaga dua iti tutup tiang ari temaga. Peninggi siti-siti tutup nya 2.2 meter. Tutup tu diengkahka ba puchuk tiang nya.

¹⁷Puchuk tiang dua iti nya diukir ngena ukir ti baka rantai [15]

¹⁸enggau dua iti rintai buah delima ti digaga ari temaga.

¹⁹Tutup tiang nya baka gamal bungai bakung, tinggi 1.8 meter,

²⁰ti dilekatka ngelingi tiang ti segala nya, ari atas ukir ti baka rantai. Dua ratus igi buah delima, berintai dua, melit siti-siti puchuk tiang nya.

²¹Huram nirika tiang temaga dua batang nya ba penama ngagai Rumah Sembiang. Tiang ti muak ke selatan nya dikumbai Jachin [16] lalu tiang ti muak ke utara nya dikumbai Boas.[17]

²²Tutup pala tiang ti digaga ari temaga ti baka gamal bungai bakung nya diengkahka ba pala tiang nya. Nya alai pengawa ngaga tiang nya tembu.

²³Huram ngaga siti tangki ti segala ari temaga. Penalam iya 2.2 meter, buka iya 4.4 meter, lalu sakap iya 13.2 meter.

²⁴Ngelingi tisi tangki nya ari luar, bisi dua iti rintai buah labu ti digaga ari temaga. Buah tu digaga sama selajur enggau tangki nya empu.

²⁵Tangki nya duduk ba belakang dua belas iku sapi ti lelaki ti digaga ari temaga, ti nguing tunga ke luar, tiga iku nunga ke selatan, tiga nunga ke timur, tiga nunga ke utara, lalu tiga nunga ke barat.

²⁶Penebal tangki nya 75 milimeter. Lilit tisi iya baka lilit tisi mangkuk, nyerindak ke luar baka kuntum bungai bakung. Tangki nya ulih ngundan kira 40,000 liter.

²⁷Huram mega ngaga sepuluh buah kerita tarit ari temaga. Genap buah kerita nya 1.8 meter panjai 1.8 meter buka, enggau 1.3 meter peninggi.

²⁸Kerita nya digaga ari papan ti besegi empat, ti dilekatka ba langkar,

²⁹enggau gambar singa, sapi ti lelaki, enggau melikat cherub ti besayap diukirka ba papan nya. Lalu ba langkar ti ari atas enggau ari baruh singa, enggau sapi ti lelaki, bisi ukir ti bebelit.

³⁰Genap kerita nya bisi kaki temaga. Ba empat iti sukut bisi tiang alai ngengkahka bisin. Tiang nya dilagu ngena ukir ti bebelit.

³¹Ba puchuk tiang nya bisi siti langkar ti segala alai ngengkahka bisin. Peninggi langkar nya ari atas kerita nya 44 sentimeter, enggau 22 sentimeter masuk ngagai kerita nya.

³²Peninggi kaki kerita nya 66 sentimeter. Kaki nya ari baruh dinding kerita nya, lalu utai ti alai kaki nya lekat, digaga selajur enggau kerita nya empu.

³³Kaki kerita nya baka kaki kerita perang. Semua perengka kaki kerita nya digaga ari temaga magang.

³⁴Di baruh empat iti sukut ke kerita nya bisi empat iti tungkat. Tungkat tu mega digaga selajur enggau temaga ti dikena ngaga kerita nya.

³⁵Puchuk siti-siti kerita nya bisi lilit. Buka siti-siti lilit nya 22 sentimeter. Tiang tungkat, enggau dinding kerita nya digaga selajur enggau kerita nya empu.

³⁶Tiang tungkat, enggau dinding ke kerita nya dilagu ngena gambar bala melikat cherub ti besayap, gambar singa, gambar kayu engkerema, ba sebarang endur ti bisi lapang alai ngengkahka sida, lalu dikelingi enggau ukir ti bebelit.

³⁷Nya meh chara kerita nya digaga. Semua kerita nya sebaka magang, sama sebaka pemesai, sama sebaka gaya.

³⁸ Huram mega ngaga sepuluh iti bisin, siti bisin ke siti-siti kerita. Siti-siti bisin nya buka 1.8 meter, lalu ulih ngundan lapan ratus liter.

³⁹Iya ngengkahka lima buah kerita nya ba rusuk selatan Rumah Sembiang, enggau lima buah ti bukai ba rusuk utara. Tangki nya diengkahka iya ba sukut selatan.

⁴⁰Huram mega ngaga periuk, sandak enggau mangkuk. Iya nembuka semua pengawa iya ke begagaka pekekas ke Rumah Sembiang ke Raja Solomon. Tu utai ti udah digaga iya: Dua batang tiang Dua iti tutup tiang ti baka mangkuk, ti diengkah ba atas puchuk tiang Ukir rantai ti besulam ba tutup tiang Empat ratus igi buah delima ari temaga, dua iti rintai ngelingi siti-siti tutup tiang, empat ratus igi ba siti-siti rintai Sepuluh buah kerita tarit Sepuluh iti bisin Sigi tangki Dua belas iku sapi ti lelaki alai tangki nya duduk Periuk, sandak, enggau mangkuk Semua perengka ke Rumah Sembiang, ti digaga Huram ke Raja Solomon, digaga magang ari temaga ti udah dipugar.

⁴¹

⁴²

⁴³

⁴⁴

⁴⁵

⁴⁶Raja ngasuh semua utai nya digaga ba endur alai orang ke ngeluluhka besi, ba entara Sukut enggau Saretan, di Lebak Jordan.

⁴⁷Solomon nadai ngasuh orang nimbang utai ti digaga ari temaga nya, laban utai nya kelalu mayuh. Nya alai semua utai nya nadai ditimbang.

⁴⁸ Solomon mega ngasuh orang ngaga pekekas ari emas ke Rumah Sembiang. Pekekas nya nyengkaum alta, mija alai engkah roti ti diberi ngagai Allah Taala,

⁴⁹ sepuluh iti penuduk lampu, ti bediri di mua Endur ti Pemadu Kudus, lima muak ke selatan, enggau lima muak ke utara, bungai, lampu, penyepit,

⁵⁰mangkuk, utai ti dikena madamka lampu, mangkuk, pinggai alai engkah menyan, enggau talam kena mai bara api, insil pintu ke Endur ti Pemadu Kudus, enggau insil ke pintu luar ke Rumah Sembiang. Semua perengka tu digaga ari emas magang.

⁵¹ Lebuh Raja Solomon udah nembuka semua pengawa begagaka Rumah Sembiang, iya lalu nyimpan semua utai ti udah diserahka apai iya David ngagai TUHAN, dalam bilik ti alai nyimpan semua utai. Utai nya nyengkaum pirak, emas enggau utai bukai.