Read Iban 1 Bansa Israel 11 Bible Online

1 Bansa Israel 11 - Iban bible

1 Bansa Israel 11

¹Semua orang Israel mansang ngagai David di Hebron, lalu bejaku enggau iya, “Kami tu kaban belayan nuan.

²Dulu menya, lebuh Saul agi nyadi raja kitai, nuan endang udah nguluka orang Israel beperang, lalu TUHAN Allah Taala nuan udah besemaya enggau nuan, madahka nuan deka nguluka bala nembiak Iya, lalu nyadi raja sida.”

³Nya alai semua tuai bansa orang Israel mansang ngagai Raja David di Hebron. David ngaga siti sempekat ti kudus enggau sida. Sida nyiri iya nyadi raja menua Israel, nitihka jaku ti disebut TUHAN ngena Samuel.

⁴ Raja David enggau semua orang Israel mupuk lalu nyerang nengeri Jerusalem. Lebuh maya nya menya nengeri nya dikumbai Jebus. Nyadi orang Jebus, iya nya orang asal menua nya agi diau dia.

⁵Orang Jebus madahka ngagai David, iya enda ulih tama ngagai nengeri nya. Tang David ngalahka kuta Sion sida, lalu kenyau ari nya nengeri nya dikumbai “Nengeri David.”

⁶Ku David, “Orang ke terubah munuh orang Jebus deka nyadi kepala soldadu!” Joap - indai iya Seruiah - nguluka bala nyerang, lalu iya nyadi tuai soldadu.

⁷Laban David diau dalam kuta nya, nya alai kuta nya dikumbai “Nengeri David.”

⁸Iya ngaga nengeri nya baru, berengkah ba tanah tambun ti ba tisi bukit muak ke timur. Udah nya Joap lalu ngaduka endur bukai ba nengeri nya.

⁹David mansang kering-sekering, laban TUHAN ti Pemadu Bekuasa bisi enggau iya.

¹⁰Tu nama bala soldadu David ti tebilang nama. Bala sida tu, sama enggau orang Israel ti bukai, nyiri iya nyadi raja, munyi ti udah disemaya TUHAN, lalu ngasuh perintah iya kering.

¹¹Iya ti keterubah nya Jasobim ari raban peturun Hakmon. Iya tu nyadi tuai ke Orang Ti Tiga Iku. [30] Iya ngelaban tiga ratus iku munsuh ngena sangkuh, lalu munuh semua sida dalam sekali betempuh.

¹²Orang ke nangkanka iya ari sida tiga ti tebilang nama nya Eleasar anak Dodo, ari raban peturun Ahoh.

¹³Iya enggau David ngelaban orang Pilistin lebuh sida betempuh ba Pas-damim. Iya agi benung ba umai barli lebuh orang Israel belabuh rari.

¹⁴Nya alai iya enggau bala iya lalu nan ba umai nya, lalu ngelaban orang Pilistin. TUHAN ngasuh iya balat amat menang.

¹⁵Nyadi sekali, tiga iku ari tiga puluh iku soldadu ti tebilang nama nya mansang ngagai batu alai David ti diau semak gua Adulam. Lebuh maya nya seraban soldadu orang Pilistin bepalan ba Lebak Repaim.

¹⁶Lebuh maya nya David diau ba bukit ti bekuta, lalu seraban orang Pilistin udah ngalahka nengeri Betlehem.

¹⁷David nyau lelengauka menua iya empu, lalu ku iya bejaku, “Naka meh pemanah enti sema orang bisi mai ai irup ngagai aku ari telaga ti semak pintu kuta di Betlehem!”

¹⁸Tiga iku soldadu ti tebilang nya lalu angkat ngerenchah kem orang Pilistin, nyauk ai ari telaga nya, lalu mai ai nya ngagai David. Tang iya enggai ngirup ai nya, lalu iya nuang ai nya nyadika piring ti diberi ngagai TUHAN.

¹⁹Ku iya, “Enggai nyadi aku ngirup ai tu, laban nya baka ke ngirup darah orang ke udah berambunka nyawa!” Nya alai iya enggai ngirup ai nya. Nya meh utai ti udah dikereja orang tiga iku ti tebilang nya tadi, ti udah ngayanka pemerani diri.

²⁰Menyadi Joap ke benama Abisai nya orang ke nyadi tuai ke Tiga Puluh Iku. [31] Iya bamuk ngena sangkuh ngelaban tiga ratus iku munsuh, lalu munuh sida, lalu iya nyadi orang ke tebilang agi ari sida ke Tiga Puluh Iku. [32]

²¹Abisai nya orang ke pemadu tebilang ke semua sida ke Tiga Puluh Iku [33] lalu iya nyadi tuai sida, tang iya kurang agi tebilang ari sida ke tiga iku.

²²Benaiah anak Jehoiada ari Kabsil nya soldadu ti tebilang. Iya suah ngereja utai ti ngayanka pemerani iya, nyengkaum munuh dua iku raja berani orang Moap. Nyadi sekali iya tama ngagai lubang kebung lebuh hari balat amat seleju, lalu munuh siku singa.

²³Iya mega munuh siku orang Ejip ke besai amat gamal, ti tinggi tujuh kaki setengah, ke besenyataka siti sangkuh ti besai bendar. Benaiah ngelaban iya ngena pemalu, ngerampas sangkuh nya ari jari orang Ejip nya, lalu munuh iya ngena sangkuh nya.

²⁴Nya meh utai ti dikereja Benaiah ti ngayanka pemerani iya. Iya tu siku ari sida ke Tiga Puluh Iku. [34]

²⁵Iya tebilang agi ari sida ke “Tiga Puluh,” tang kurang agi tebilang ari sida ke “Tiga Iku.” David milih iya nyadi jejaga iya empu.

²⁶Tu nama bala soldadu ti bukai ti tebilang nama: Asahel, menyadi lelaki Joap Elhanan anak Dodo, ari Betlehem Samot ari Harot Heles ari Pelet Ira anak Ikes ari Tekoa Abieser ari Anatot Sibichai ari Husah Ilai ari Ahoh Maharai ari Netopah Helet anak Banah ari Netopah Itai anak Ribai ari Gibe-ah di menua Benjamin Benaiah ari Piraton Hurai ari lebak ti semak Gas Abil ari Arbah Asmabet ari Baharum Eliaba ari Salbon Hasem [35] Jonatan anak Sagi ari Harar Ahiam anak Sakar ari Harar Elipal anak Ur Heper ari Mekerah Ahijah ari Pelon Hesro ari Karmel Narai anak Esbai Joel menyadi lelaki Natan Miphar anak Hakri Selek ari Amon Naharai, orang ke mai senyata ke Joap, ari Berot Ira seduai Garep ari Jatir Uriah, orang Iti Sabat anak Ahlai Adina anak Sisa (siku orang ke tampak nama ari raban bansa Reuben, enggau tiga puluh iku bala soldadu iya empu) Han(...)