Read Iban 1 Bansa Israel 12 Bible Online

1 Bansa Israel 12 - Iban bible

1 Bansa Israel 12

¹Nyadi David diau di Siklak, udah bekau iya ke ngerarika diri ari Raja Saul. Mayuh bala soldadu ke teleba beperang, sereta tau dikarapka, datai nyukung iya dia.

²Sida tu orang ari raban bansa Benjamin, iya nya raban bansa Saul empu. Sida landik nimbakka laja enggau nimbakka batu ngena pangwang ngena jari kanan tauka ngena jari kiba.

³Sida diuluka Ahieser seduai Joas, anak Semah, ari Gibe-ah. Tu nama bala soldadu nya: Jesil seduai Pelet, anak Asmabet Berakah seduai Jehu ari Anatot Ismaiah ari Gibeon, siku soldadu ti tebilang, siku ari tuai sida ke “Tiga Puluh” Jeremiah, Jahasil, Johanan, enggau Josabat, ari Gederah Elusai, Jerimot, Bealiah, Semariah, enggau Sepatiah, ari Harip Elkanah, Isiah, Asarel, Joeser, enggau Jasobim, ari raban peturun Korah Joelah seduai Sebediah, anak Jeroham, ari Gedor

⁸Tu nama bala soldadu ti tebilang, sereta teleba beperang, ari raban bansa Gat ke enggau raban bala soldadu David, lebuh iya ba kuta di menua puang. Sida tu landik ngena terabai enggau sangkuh, lalu mangah baka singa, sereta sikar baka rusa bukit.

⁹Tu nama sida ditusun nitihka ripih pangkat sida: Eser, Obadiah, Eliap, Mismanah, Jeremiah, Atai, Elil, Johanan, Elsabat, Jeremiah, enggau Makbanai.

¹⁴Sekeda ari bala soldadu ke datai ari raban bansa Gat, nya pemesai ti tinggi pangkat ke nguluka seribu iku orang, lalu sida ti bukai nya baruh agi pangkat, nguluka seratus iku orang.

¹⁵Dalam bulan ti kesatu, lebuh Sungai Jordan nyau bah ampuh tebing, sida meraka sungai nya. Orang ke diau ba sebelah emperan ti ba tebing timur enggau tebing barat Jordan lalu rari.

¹⁶Nyadi sekali seraban bala orang ari raban bansa Benjamin enggau ari raban bansa Judah mansang ngagai kuta ti alai David diau.

¹⁷David mansang ngambat sida, lalu ku iya, “Enti kita datai mai ati ti manah laban kita deka nulung aku, kami ngelaluka penatai kita. Awakka kita enggau kami. Tang enti kita bisi ati deka nyual aku ngagai munsuh, taja pen aku nadai ati deka ngemediska kita, Allah Taala aki ini kitai deka nemu nya, lalu ngukum kita.”

¹⁸Roh Allah Taala lalu bekuasa ba siku ari bala sida ke benama Amasai, ti deka nyadi tuai sida ke “Tiga Puluh”. Ku Amasai ngangau, “David anak Jesi, kami tu nembiak nuan! Awakka nuan enggau orang ke nyukung nuan mujur magang! Allah Taala setanah enggau nuan.” David lalu ngelaluka sida, lalu ngeletak sida nyadi pemesai bala soldadu iya.

¹⁹Sekeda soldadu ari raban bansa Manasi udah ninggalka Saul lalu ngalih ari David lebuh David mansang enggau orang Pilistin nyerang Raja Saul. Iya ti bendar, iya ukai nulung orang Pilistin, tang laban bala raja orang Pilistin takutka iya nyual sida ngagai tuan iya Raja Saul. Nya alai sida ngasuh David pulai baru ngagai Siklak

²⁰Tu nama bala soldadu ari Manasi ke ngalih ari David lebuh iya pulai: Adnah, Josabat, Jediael, Mikael, Josabat, Elihu enggau Siletai. Semua sida tu endang tuai ke seribu iku orang di menua Manasi.

²¹Sida bekereja ke David nyadi pemesai soldadu iya, [37] laban semua sida nya endang soldadu ti tebilang magang. Udah bekau nya sida lalu nyadi pemesai soldadu orang Israel.

²²Orang masuk nyadi soldadu David nyau deka tiap hari. Nya kebuah pemayuh bala soldadu iya jampat betambah.

²³Lebuh David agi di Hebron, mayuh soldadu ti udah chukup dilatih masuk nyadi soldadu iya, nyukung iya nyadi raja nganti Saul, munyi ti udah disemaya TUHAN. Pemayuh tubuh sida nya baka tu: Judah: 6,800 iku orang ke besenyataka terabai enggau sangkuh. Simeon: 7,100 iku orang ke chukup dilatih; Lewi: 4,600 iku. Orang ke nitihka Jehoiada, ari peturun Aron: 3,700 iku; Kaban belayan Sadok, iya nya siku orang ke landik belaban: 22 iku tuai bala; Benjamin (iya nya raban bansa Saul empu): 3,000 iku. (Nyau ke semua orang Benjamin agi taluk ngagai Saul); Epraim: 20,800 orang ke tebilang dalam raban peturun sida empu; Manasi Barat: 18,000 iku orang ke udah dipilih nyiri David nyadi raja; Isakar: 200 tuai soldadu, sama enggau bala soldadu ke diuluka sida. (Bala tuai soldadu tu nemu utai ti patut dikereja orang Israel, lalu nemu mega maya ti pemadu manah alai utai nya patut dikereja); Sebulun: 50,000 orang ke taluk sereta tau dikarapka, ke sedia deka belaban, sereta uda(...)

³⁸Semua bala soldadu nya sedia deka beperang magang. Lalu sida mansang ngagai Hebron, mutus ati deka nyiri David nyadi raja ke semua menua Israel. Semua orang ke bukai bela begempung ati magang deka ngulihka juluk ati nya.

³⁹Sida diau enggau David dia tiga hari, ngintu pengerami makai besai, bepakaika pemakai ti udah disediaka kaban belayan sida.

⁴⁰Raban bansa ti di utara, iya nya raban bansa Isakar, Sebulun enggau Naptali, datai mai keledai, unta, enggau sapi ti mai pemakai - tepung, buah ara, salai buah anggur, wain, enggau minyak kana. Sida mega mai jelu sapi enggau jelu bedus ngambika bisi dibunuh lalu diempa. Semua utai tu dikena sida ngayanka pengaga ati semua orang di serata menua nya.