Read Iban 1 Bansa Israel 3 Bible Online

1 Bansa Israel 3 - Iban bible

1 Bansa Israel 3

¹Tu nama bala anak David, disebut nitihka penuai umur sida ke diadaka lebuh David diau di Hebron: Amnon: Indai iya Ahinoam ari Jesril; Daniel: Indai iya Abigail ari Karmel; Absalom: Indai iya Maakah anak Raja Talmai ari menua Gesur; Adonijah: Indai iya Hagit; Sepatiah: Indai iya Abital; Itri: Indai iya Eglah.

⁴ Semua sida enam iku tu diadaka di Hebron magang lebuh David merintah dia tujuh taun setengah. Iya merintah nyadi raja di Jerusalem tiga puluh tiga taun

⁵ lalu mayuh anak lelaki diadaka dia. Bini iya Batseba anak Amil, ngadaka empat iku anak lelaki: Simea, Sobap, Natan, enggau Solomon.

⁶Iya bisi semilan iku anak lelaki ti bukai: Ibar, Elisua, Elpelet,

⁷Nogah, Nepek, Japia,

⁸Elisama, Eliada, enggau Elipelet.

⁹Nambahka bala sida nya, David mega bisi anak lelaki ke diadaka bala indu simpan iya. Iya mega bisi siku anak indu benama Tamar.

¹⁰Tu ripih peturun Raja Solomon, ari apai ngagai anak: Solomon, Rehoboam, Abijah, Asa, Jehosapat,

¹¹Jehoram, Ahasiah, Joas,

¹²Amasiah, Usiah, Jotam,

¹³Ahas, Hesekiah, Manasi,

¹⁴Amon, enggau Josiah.

¹⁵Josiah bisi empat iku anak lelaki: Johanan, Jehoiakim, Sedekiah, enggau Joahas.

¹⁶Jehoiakim bisi dua iku anak lelaki: Jehoiakin, enggau Sedekiah.

¹⁷Tu peturun Raja Jehoiakin, iya nya raja ti udah ditabanka orang Babilon nyadi orang tangkap. Jehoiakin bisi tujuh iku anak lelaki: Sealtiel,

¹⁸Malkiram, Pedaiah, Senesar, Jekamiah, Hosama, enggau Nedabiah.

¹⁹Pedaiah bisi dua iku anak lelaki: Serubabel enggau Simei. Serubabel bisi dua iku anak lelaki, Mesulam enggau Hananiah, enggau siku anak indu ke benama Selomit.

²⁰Iya bisi lima iku agi anak lelaki: Hasubah, Ohel, Berekiah, Hasadiah, enggau Jusap Heset.

²¹Hananiah bisi dua iku anak lelaki: Lepatiah seduai Jesaiah. Jesaiah nya apai Repahai. Repaiah nya apai Arnan, Arnan apai Obadiah, Obadiah apai Sekaniah. [5]

²²Sekaniah bisi siku anak lelaki benama Semaiah, enggau lima iku uchu lelaki: Hatus, Igal, Bariah, Niriah, enggau Sapat.

²³Niriah bisi tiga iku anak lelaki: Elioenai, Hiskiah, enggau Asrikam.

²⁴Elioenai bisi tujuh iku anak lelaki: Hodabiah, Eliasip, Pelaiah, Akup, Johanan, Delaiah, enggau Anani.