Read Iban 1 Bansa Israel 4 Bible Online

1 Bansa Israel 4 - Iban bible

1 Bansa Israel 4

¹Tu nama sekeda peturun Judah: Peres, Hesron, Karmi, Hur, enggau Sobal.

²Sobal nya apai Reaiah, ti nyadi apai Jahat, Jahat nyadi apai Ahumai seduai Lahat, iya nyadi aki ini orang ke diau di Sorah.

³Hur nya anak tuai bini Kalep ke benama Eprat, lalu peturun Hur nya orang ke nirika nengeri Betlehem. Hur bisi tiga iku anak lelaki: Etam, Penuel, enggau Eser. Etam bisi tiga iku anak lelaki: [6] Jesril, Isma, enggau Itbas, enggau siku anak indu benama Haseleponi. Penuel nirika nengeri Gedor, lalu Eser nirika nengeri Husah.

⁵Asur, orang ke nirika nengeri Tekoa, bisi dua iku bini: Helah seduai Narah.

⁶Asur seduai Narah bisi empat iku anak lelaki: Ahusam, Heper, Temeni, enggau Hahastari.

⁷Asur seduai Helah bisi tiga iku anak lelaki: Seret, Isar, enggau Etnan.

⁸Kos nya apai Anup seduai Sobebah, lalu iya nyadi aki ini ke raban peturun ti diturunka Aharhel anak Harum.

⁹Bisi orang siku benama Jabes, ke balat dibasa orang. Indai iya udah meri iya nama Jabes, [7] laban iya mar ada.

¹⁰Tang Jabes besampi ngagai Allah Taala ke disembah orang Israel. Ku iya, “Berekatka aku, Allah Taala, lalu beri aku mayuh tanah. Diau enggau aku, lalu jaga aku ari semua utai ti jai, ti tau ngemediska aku.” Lalu Allah Taala meri iya utai ti dipinta iya.

¹¹Kalep, menyadi Suhah, bisi siku anak lelaki. Nama iya Mehir. Mehir nya apai Eston.

¹²Eston bisi tiga iku anak lelaki: Betrapa, Pasih, enggau Tehinah. Tehinah nya orang ke nirika nengeri Nahas. Bala peturun orang tiga iku tu diau di Rekah.

¹³Kenas bisi dua iku anak lelaki: Otnil enggau Seraiah. Otnil mega bisi dua iku anak lelaki: Hatat enggau Meonotai. [8]

¹⁴Meonotai nya apai Oprah. Seraiah nya apai Joap, lalu Joap nya apai Geharasim [9] alai semua orang ke landik begagaka utai diau.

¹⁵Kalep anak Jepuneh bisi tiga iku anak lelaki: Iru, Elah, enggau Naam. Elah nya apai Kenas.

¹⁶Jehalelel bisi empat iku anak lelaki: Sip, Sipah, Tiria, enggau Asarel.

¹⁷Esrah bisi empat iku anak lelaki: Jeter, Meret, Eper, enggau Jalon. Meret jadi enggau Bitiah anak indu raja menua Ejip, lalu seduai iya bisi siku anak indu benama Miriam, enggau dua iku anak lelaki, Samai enggau Isbah. Isbah nirika nengeri Estemoa. Meret mega jadi enggau siku indu ari raban bansa Judah, lalu seduai iya bisi tiga iku anak lelaki: Jeret, ke nirika nengeri Gedor, Heber ke nirika nengeri Soko, enggau Jekutil ke nirika nengeri Sanoah.

¹⁹Hodiah jadi enggau menyadi indu Naham. Peturun seduai nya nurunka raban peturun Gam, ti diau di nengeri Keilah, enggau raban bansa Makat ti diau di nengeri Estemoa. [10]

²⁰Simon bisi empat iku anak lelaki: Amnon, Rinah, Benhanan, enggau Tilon. Ishi bisi dua iku anak lelaki: Sohet enggau Bensohet.

²¹Selah nya siku ari bala anak lelaki Judah. Peturun iya nyengkaum Er, ke nirika nengeri Lekah, Ladah ke nirika nengeri Maresah, raban peturun orang ke diau di nengeri Bet Asbea, ti landik nenun kain linin;

²²Jokim enggau orang ke diau di nengeri Koseba, enggau Joas seduai Sarap ke jadi enggau indu orang Moap, lalu udah nya ngentapka diri di Betlehem. [11] (Tu endang jerita lama.)

²³Sida nya tukang periuk ke bekereja ke raja, lalu diau di nengeri Netaim enggau nengeri Gederah.

²⁴Simeon bisi lima iku anak lelaki: Nemuel, Jamin, Jarip, Serah, enggau Saul.

²⁵Nama anak lelaki Saul nya Salum. Nama uchu iya Mibsam, lalu nama ichit iya Misma.

²⁶Misma nurunka Hamuel, Sakur, enggau Simei.

²⁷Simei bisi enam belas iku anak lelaki enggau enam iku anak indu, tang kaban belayan iya nadai mayuh anak, lalu raban bansa Simeon enda mayuh tubuh baka raban bansa Judah.

²⁸ Bala peturun Simeon, nyentuk ngagai maya Raja David, diau di nengeri Beer-seba, Moladah, Hasar-sual,

²⁹Bilhah, Esem, Tolat,

³⁰Betuel, Hormah, Siklak,

³¹Bet-markabot, Hasasusim, Betbiri, enggau Saraim.

³²Sida mega diau ba lima bengkah endur bukai: Etam, Ain, Rimon, Token, enggau Asan,

³³enggau genturung pendiau ti ngelingi nya dia, nyentuk ngagai nengeri Baalat ti tunga ke selatan-barat. Tu meh cherita ti udah disimpan sida pasal ruang bilik sida, enggau nama menua ti nyadi endur alai sida diau.

³⁴Tu nama orang ke nyadi tuai peturun sida: Mesobap, Jamlek, Josah anak Amasiah, Joel, Jehu (anak Josibiah, uchu Seraiah, ichit Asil), Elioenai, Jakobah, Jesohaiah, Asaiah, Adil, Jesimil, Benaiah, Sisa (anak Sipi, uchu Alon, ti peturun Jedaiah, Simri, enggau Semaiah). Laban ruang bilik sida majak mayuh tubuh,

³⁹sida lalu ngelekai tunga ke barat, nyau deka nyentuk ngagai Gerar [12] lalu nginang jelu bedus ba tebing timur lebak nya, alai nengeri nya ti bediri.

⁴⁰Sida bisi tetemuka tanah ti ami dia, ba menua ti nadai orang nguan, ti nadai pengachau. Orang ke nguan menua nya dulu ari sida nya orang peturun Ham.

⁴¹Lebuh maya Raja Hesekiah megai perintah di menua Judah, orang ke udah disebut nama di atas dia tadi mansang ngagai Gerar lalu ngerusak langkau kain enggau langkau orang ke diau dia. [13] Sida muru orang ari endur nya, lalu sida ngentapka diri dia, laban menua nya mayuh rumput ke jelu bedus sida.

⁴²Lima ratus agi bala ari raban bansa Simeon mansang tunga ke timur ngagai menua Edom. Sida iya diuluka bala anak Ishi: Pelatiah, Neariah, Repaiah, enggau Usil.

⁴³Dia sida lalu munuh bala orang Amalek ti agi idup, lalu sida diau dia nyentuk ngagai diatu.