Read Iban 1 Bansa Israel 7 Bible Online

1 Bansa Israel 7 - Iban bible

1 Bansa Israel 7

¹Isakar bisi empat iku anak lelaki: Tola, Puah, Jasup, enggau Simron.

²Tola bisi enam iku anak lelaki: Usi, Repaiah, Jeril, Jamai, Ipsam, enggau Shemuel. Sida tu tuai bilik ke raban peturun Tola, lalu sida nya soldadu ti tebilang nama. Lebuh maya Raja David menya, pemayuh peturun sida bisi 22,600 iku.

³Usi bisi siku anak lelaki ke benama Israiah. Israiah enggau empat iku anak lelaki iya, Mikael, Obadiah, Joel, enggau Issiah, nyadi tuai bilik magang.

⁴Sida mayuh amat bini enggau anak, datai ke peturun sida ulih nyerahka 36,000 iku orang nyadi soldadu.

⁵Nitihka nama ti udah ditulis, ruang bilik ari raban bansa Isakar bisi 87,000 iku lelaki ti tau enggau beperang.

⁶Benjamin bisi tiga iku anak lelaki: Bela, Beker, enggau Jediael.

⁷Bela bisi lima iku anak lelaki: Esbon, Usi, Usil, Jerimot, enggau Iri. Sida nya nyadi tuai bilik dalam raban peturun nya, lalu sida nya soldadu ti tebilang nama magang. Peturun sida nyengkaum 22,034 iku lelaki ti tau enggau beperang.

⁸Beker bisi semilan iku anak lelaki: Semirah, Joas, Elieser, Elioenai, Omri, Jerimot, Abijah, Anatot, enggau Alemet.

⁹Nitihka ripih nama orang ke dalam ruang bilik peturun sida, sida bisi 20,200 iku lelaki ti tau enggau beperang.

¹⁰Jediael bisi siku anak lelaki ke benama Bilhan. Bilhan bisi tujuh iku anak lelaki: Jeus, Benjamin, Ehut, Kenanah, Setan, Tarsis, enggau Ahisahar.

¹¹Sida tu nyadi tuai bilik dalam raban peturun nya, lalu sida tu orang ke tebilang nama nyadi soldadu. Peturun sida nyengkaum 17,200 iku lelaki ti tau enggau beperang.

¹²Supim enggau Hupim nya anak Ir; lalu Husim nya anak Aher.

¹³Naptali bisi empat iku anak lelaki: Jahsil, Guni, Jeser, enggau Salum. Sida tu peturun Bilhah. [17]

¹⁴Manasi bisi dua iku anak lelaki ari indu simpan iya ti bansa orang Aram. Nama anak lelaki iya: Asril enggau Makir. Makir nya apai Giliat.

¹⁵Makir lalu ngiga bini ke Hupim, enggau siku ke Supim. Nama menyadi indu Makir nya Maakah. Anak lelaki Makir ke lumur dua nya Selopehat, lalu Selopehat semina bisi anak indu.

¹⁶Maakah, iya nya bini Makir, ngadaka dua iku anak lelaki, ke diberi seduai iya nama Peres enggau Seres. Peres bisi dua iku anak lelaki benama Ulam enggau Takem.

¹⁷Ulam bisi siku anak lelaki benama Bedan. Nya meh peturun Giliat anak Makir, uchu Manasi.

¹⁸Menyadi indu Giliat ke benama Hamoleket bisi tiga iku anak lelaki: Isot, Abieser, enggau Mahlah. (

¹⁹Semida bisi empat iku anak lelaki: Ahian, Sekem, Liki, enggau Aniam.)

²⁰Baka tu ku peturun Epraim ari serak siti ngagai serak siti: Sutelah, Beret, Tahat, Eleadah, Tahat,

²¹Sabat, Sutelah. Epraim bisi anak lelaki ti bukai kelimpah ari Sutelah: Eser enggau Eleat, ke kena bunuh lebuh seduai iya nguji ngenchuri jelu tupi orang asal ti diau di Gat.

²²Apai seduai iya Epraim ngulitka seduai iya lama amat, lalu bala kaban belayan iya datai merindang iya.

²³Udah nya iya beleman enggau bini iya baru. Bini iya ngandung lalu ngadaka anak lelaki siku. Seduai iya meri iya nama Beriah, [18] ketegal penusah ti udah ninggang ruang bilik seduai iya.

²⁴Epraim bisi siku anak indu benama Serah. Anak indu iya tu nirika nengeri Bet-horon Ulu enggau Bet-horon Ili, enggau Usen Serah.

²⁵Epraim mega bisi siku anak lelaki benama Repah, ke nurunka Resep, Telah, Tahan

²⁶Ladan, Amihut, Elisama,

²⁷Nun, Josua.

²⁸Menua ti udah dialahka sida, lalu diuan sida nyengkaum Betel enggau nengeri ti mit ti ngelingi Betel, nyentuk ngagai Naran di timur, enggau ngagai Geser di barat enggau nengeri ti mit ngelingi Geser. Menua ti udah dialahka sida mega nyengkaum nengeri Sekem enggau Ayah, enggau nengeri ti mit ti ngelingi semua nengeri nya.

²⁹Peturun Manasi megai nengeri Bet-san, Taanak, Megido, enggau Dor, enggau nengeri ti mit ti ngelingi semua nengeri nya. Semua nengeri tu nyadi endur alai bala peturun Josep anak Jakop diau.

³⁰Tu bala peturun Aser. Iya bisi empat iku anak lelaki: Imnah, Isbah, Isbi, enggau Beriah, enggau siku anak indu benama Serah.

³¹Beriah bisi dua iku anak lelaki: Heber enggau Malkil. (Malkil nirika nengeri Birsait.)

³²Heber bisi tiga iku anak lelaki: Japlet, Somer, enggau Hotam, enggau siku anak indu benama Sua.

³³Japlet mega bisi tiga iku anak lelaki: Pasak, Bimhal, enggau Asbat.

³⁴Menyadi lelaki iya ke benama Somer bisi tiga iku anak lelaki: Rohgah, Jehubah, enggau Aram.

³⁵Menyadi lelaki iya ke benama Hotam [19] bisi empat iku anak lelaki: Sopah, Imna, Seles, enggau Amal.

³⁶Peturun Sopah nya Suah, Harneper, Sual, Beri, Imrah,

³⁷Beser, Hot, Sama, Silsah, Itran, enggau Bera.

³⁸Peturun Jeter nya Jepuneh, Pispa, enggau Ara,

³⁹lalu peturun Ula nya Arah, Hanil, enggau Risia.

⁴⁰Semua sida tu peturun Aser magang. Sida nya tuai bilik, orang ke tebilang nama nyadi soldadu, landik nyadi tuai. Peturun Aser bisi 26,000 iku lelaki ti tau enggau beperang.