Read Iban 1 Bansa Israel 9 Bible Online

1 Bansa Israel 9 - Iban bible

1 Bansa Israel 9

¹Nama semua orang Israel dituliska magang nitihka ruang bilik sida, lalu nama sida tu bisi ditulis dalam Bup Raja Menua Israel. Orang Judah udah dibuai ngagai menua Babilon kena ngukum sida, ketegal sida udah bedosa.

² Orang ke terubah pulai ngagai tanah sida empu dalam mayuh bengkah nengeri nyengkaum bala orang Israel, bala imam, bala orang Lewi, enggau bala orang ke bekereja dalam Rumah Sembiang.

³Raban bansa Judah, Benjamin, Epraim, enggau Manasi lalu diau di Jerusalem.

⁴Pemayuh ruang bilik ari raban bansa Judah ti diau di Jerusalem nya 690. Bala peturun anak lelaki Judah ke benama Peres ngasuh Utai anak Amihut, uchu Omri nyadi tuai sida. Bala aki ini iya ti bukai nyengkaum Imri enggau Bani. Bala peturun anak lelaki Judah ke benama Selah ngasuh Asaiah nyadi tuai sida, lalu iya mega nyadi tuai ke ruang bilik iya empu. Bala peturun anak lelaki Judah ke benama Serah ngasuh Jeuel nyadi tuai sida.

⁷Tu nama orang ari raban bansa Benjamin ti diau di Jerusalem: Salu anak Mesulam, uchu Hodabiah, ichit Hasenuah Ibneah anak Jeroham Elah, anak Usi, uchu Mikri Mesulam anak Sepatiah, uchu Reuel, ichit Ibnijah

⁹Pemayuh ruang bilik ari raban tu ti diau di Jerusalem nya 956. Semua lelaki ti udah disebut nama di atas dia tadi nyadi tuai ruang bilik magang.

¹⁰Tu nama sida imam ti diau di Jerusalem: Jedaiah, Jehoiarip, enggau Jachin Asariah anak Hilkiah (pemesai ti nyadi tuai dalam Rumah Sembiang). Aki ini iya nyengkaum Mesulam, Sadok, Meraiot, enggau Ahitup Adaiah anak Jeroham. Aki ini iya nyengkaum Pasur enggau Malkijah Masai anak Adil. Aki ini iya nyengkaum Jahserah, Mesulam, Mesilemit, enggau Imer.

¹³Pemayuh bala imam ti nyadi tuai bilik nya seribu tujuh ratus enam puluh iku. Sida tu orang ke landik ngereja semua pengawa dalam Rumah Sembiang.

¹⁴Tu nama orang Lewi ti diau di Jerusalem: Semaiah anak Hasup. Aki ini iya nyengkaum Asrikam enggau Hasabiah, ari raban peturun Merari Bakbakar, Heres, enggau Galal Mataniah anak Mika. Aki ini iya nyengkaum Sikri enggau Asap Obadiah anak Semaiah. Aki ini iya nyengkaum Galal enggau Jedutun Berekiah anak Asa, uchu Elkanah, ti diau di menua ti diempu nengeri Netopah.

¹⁷Tu nama orang ke nyaga Rumah Sembiang lalu diau di Jerusalem: Salum, Akup, Talmon, enggau Ahiman. Orang ke nyadi tuai sida nya Salum.

¹⁸Nyentuk ngagai maya nya, raban peturun sida udah diasuh nyaga ba Pintu Raja [24] ti muak ke timur. Dulu ari nya, sida udah diasuh jaga ba penama ngagai kem orang Lewi.

¹⁹Salum anak Kore, uchu Ebiasap, enggau sida bukai ke sama datai ari raban peturun Korah, betanggungjawap nyaga penama ngagai Langkau Kain TUHAN, baka aki ini sida kelia lebuh sida agi ngintu kem TUHAN.

²⁰Pinehas anak Eleasar - awakka TUHAN nyaga iya! udah kala nyadi tuai sida suba.

²¹Sekariah anak Meselemiah udah mega kala nyadi jejaga ba penama ngagai Langkau Kain TUHAN.

²²Pemayuh semua orang ke udah dipilih nyaga penama enggau pintu kuta nya 212 iku. Nama sida udah dituliska magang nitihka nama genturung pendiau ti alai sida diau. Aki ini sida udah diletak Raja David enggau nabi Samuel mangku pengawa nya.

²³Sida enggau peturun sida mengkang nyaga pintu Rumah Sembiang.

²⁴Siti ari pintu nya nunga ngagai utara, siti nunga ngagai selatan, siti ngagai timur lalu siti nunga ngagai barat, lalu tiap-tiap iti pintu nya endang bisi siku tuai jejaga.

²⁵Bala jejaga tu disaup kaban belayan sida ke diau ba sebelah genturung pendiau sida empu, lalu ngambi gintir diri nyaga pintu nya, tujuh hari sekali.

²⁶Orang ke nyadi tuai bala jejaga nya endang orang Lewi. Sida nya orang ke betanggungjawapka pengawa nya. Sida mega betanggungjawapka semua bilik dalam Rumah Sembiang, enggau ke semua utai ti ditaruh dia.

²⁷Sida diau semak Rumah Sembiang, laban sida betanggungjawap nyaga Rumah nya, sereta muka pintu nya tiap pagi.

²⁸Orang Lewi ti bukai betanggungjawapka pekekas ti dikena besembah. Genap kali utai nya dikena, iya enda tau enda ditulis lebuh iya dibai ke luar, lalu dituliska mega lebuh iya dipulaika baru.

²⁹Sida ke bukai ngemataka pekekas kudus ti bukai, tepung, wain, minyak kana, menyan, enggau rempah.

³⁰Tang orang ke betanggungjawap ngerakit rempah nya bala imam.

³¹Siku orang Lewi ke benama Matitiah, anak tuai Salum, ari raban peturun Korah, betanggungjawap nyendiaka pemeri ti dipanggang. [25]

³²Raban raban peturun Kohat betanggungjawap nyendiaka roti ti kudus [26]

³³Sekeda ruang bilik orang Lewi betanggungjawapka musik dalam Rumah Sembiang. Bala tuai bilik tu diau dalam sekeda rumah dalam Rumah Sembiang, lalu sida iya nadai diasuh ngereja pengawa bukai, laban sida enda tau enda seruran nganti diri dikangauka siang malam.

³⁴Orang ke disebut nama di atas dia tadi nya tuai bilik orang Lewi, nitihka peturun sida. Sida nya meh orang ke nyadi tuai ke orang ke diau di Jerusalem.

³⁵Jeiel nirika nengeri Gibeon lalu iya ngentapka diri dia. Nama bini iya Maakah.

³⁶Anak lelaki iya ke tuai benama Abdon, lalu anak lelaki iya ti bukai nya Sur, Kis, Baal, Ner, Nadap,

³⁷Gedor, Ahio, Sekariah, enggau Miklot

³⁸apai Simeah. Peturun sida nya diau di Jerusalem semak ruang bilik ti bukai ke ari raban peturun sida.

³⁹Ner nya apai Kis, lalu Kis nya apai Saul. Saul bisi empat iku anak lelaki: Jonatan, Malkisua, Abinadap, enggau Esbaal. [27]

⁴⁰Jonatan nya apai Meribaal, [28] lalu Meribaal nya apai Mikah.

⁴¹Mikah bisi empat iku anak lelaki: Piton, Melek, Tarea, enggau Ahas. [29]

⁴²Ahas nya apai Jarah, ti nyadi apai Alemet, Asmabet, enggau Simri. Simri nya apai Mosa,

⁴³Mosa apai Binea, Binea apai Repaiah, Repaiah apai Eleasah, lalu Eleasah nya apai Asel.

⁴⁴Asel bisi enam iku anak lelaki: Asrikam, Bokeru, Ismail, Seariah, Obadiah, enggau Hanan.