Read Iban Nehemiah 1 Bible Online

Nehemiah 1 - Iban bible

Nehemiah 1

¹Tu cherita pasal utai ti udah dikereja Nehemiah anak Hakaliah. Dalam bulan Kislep kedua puluh taun Artaserses nyadi raja besai menua Persia, Aku, Nehemiah, bisi di Susa, iya nya indu nengeri menua nya.

²Siku ari sida menyadi aku, ke benama Hanani, bisi datai ari menua Judah enggau siti raban. Aku lalu nanya ngagai sida pasal Jerusalem, enggau pasal orang Judah ti bukai, ti udah pulai ari menua Babilon.

³Sida madahka ngagai aku, orang ke agi idup lalu udah pulai ke menua [1] balat amat tusah pendiau, sereta dipechat orang bansa bukai ke diau semak sida. Sida mega madahka ngagai aku pasal dinding kuta Jerusalem ti udah runtuh, lalu pintu nengeri apin digaga baru sekumbang pintu nya udah ditunu.

⁴Lebuh aku ninga berita nya, aku nudukka diri lalu nyabak. Aku ngulit lalu enda makai dua tiga hari. Ku aku besampi ngagai Allah Taala,

⁵“TUHAN Allah Taala ti di serega! Nuan endang besai, lalu kami nangika Nuan. Nuan tetap ati ingatka sempekat Nuan enggau orang ke rinduka Nuan, ti ngereja utai ti diasuh Nuan.

⁶Peda meh aku tu, TUHAN, lalu dingaka sampi aku lebuh aku besampi siang malam ke bala nembiak Nuan, orang Israel. Aku ngaku kami orang Israel endang udah bedosa. Aki ini aku enggau aku empu udah bedosa.

⁷Kami udah ngereja utai ti jai ngelaban Nuan, lalu kami enda ngereja utai ti diasuh Nuan kereja kami. Kami enda nitihka adat ti udah diberi Nuan ngena nembiak Nuan, Moses.

⁸ Kingatka diatu utai ti udah dipadahka Nuan ngagai Moses. Ku Nuan, ‘Enti kita orang Israel enda tetap ati ngagai Aku, Aku deka ngachirka kita ngagai semua bansa bukai.

⁹ Tang enti kita pulai baru ngagai Aku, lalu ngereja utai ti diasuh Aku, Aku deka ngambi kita pulai baru ngagai endur ti udah dipilih Aku alai kita deka nyembah Aku, taja pen kita ngachir nyentuk ngagai tisi dunya.’ ”

¹⁰“TUHAN, sida tu bala ulun Nuan, bala nembiak Nuan. Nuan udah ngelepaska sida ngena kuasa Nuan ti besai enggau ngena pengering Nuan.

¹¹Pendingka sampi aku diatu, enggau sampi semua nembiak Nuan ti bukai, ti deka ngemesaika nama Nuan. Awakka aku mujur sehari tu, lalu asuh raja besai kasihka aku.” Lebuh maya nya menya, aku bekereja nyuaka wain ngagai raja besai.