Read Iban Nehemiah 11 Bible Online

Nehemiah 11 - Iban bible

Nehemiah 11

¹Bala tuai bansa ngentapka diri di Jerusalem, lalu semua orang bukai enda tau enda bechabut undi kena milih siti ruang bilik ari genap sepuluh buah, ti deka diau di nengeri Jerusalem ti kudus. Orang ke bukai deka diau di nengeri ti bukai, enggau ba nengeri ti mit.

²Orang mayuh balat amat muji orang ke sanggup diau di Jerusalem.

³ Di nengeri Jerusalem enggau di nengeri ti bukai, orang Israel, bala imam, orang Lewi, bala orang ke bekereja dalam Rumah Sembiang, enggau bala peturun orang gaji Solomon, bela diau ba tanah diri empu di nengeri diri empu. Tu nama orang ke tinggi pangkat di sitak menua Judah ti diau di Jerusalem:

⁴Raban bansa Judah: Ataiah anak Usiah, uchu Sekariah. Aki ini iya ti bukai nyengkaum Amariah, Sepatiah, enggau Mahalalel, peturun anak lelaki Judah ke benama Peres.

⁵Maseiah anak Baruk, uchu Kolhoseh. Aki ini iya ti bukai nyengkaum Hasaiah, Adaiah, Joiarip, enggau Sekariah, diturunka anak lelaki Judah ke benama Selah.

⁶Ari peturun Peres, 468 iku diau di Jerusalem. Semua sida tu soldadu ti tebilang nama:

⁷Raban bansa Benjamin Salu anak Mesulam, uchu Joet. Aki ini iya ti bukai nyengkaum Pedaiah, Kolaiah, Maseiah, Itiel, enggau Jesaiah.

⁸Gabai seduai Salai nya kaban nyempil Salu. Pemayuh semua orang Benjamin ti diau di Jerusalem nya 928 iku.

⁹Orang ke nyadi tuai sida nya Joel anak Sikri, lalu Judah anak Hasenuah nyadi pemesai ti lumur dua di nengeri nya.

¹⁰Bala Imam Jedaiah anak Joiarip, enggau Jachin.

¹¹Seraiah anak Hilkiah, uchu Mesulam. Aki ini iya nyengkaum Sadok, Maraiot, enggau Imam Besai Ahitup.

¹²Pemayuh semua orang ari raban peturun tu ke bekereja dalam Rumah Sembiang nya 822 iku. Adaiah anak Jeroham, uchu Pelaiah. Aki ini iya nyengkaum Amsi, Sekariah, Pasur, enggau Malkijah.

¹³Pemayuh semua tuai bilik ari raban peturun tu nya 242 iku. Amasai anak Asarel, uchu Ahsai. Aki ini iya nyengkaum Mesilemot enggau Imer.

¹⁴Seratus dua puluh lapan iku orang ari raban peturun tu nya endang soldadu ti tebilang. Tuai sida nya Sapdiel, ari ruang bilik orang ke tinggi pangkat. [11]

¹⁵Orang Lewi Semaiah anak Hasup, uchu Asrikam. Aki ini iya nyengkaum Hasabiah enggau Buni.

¹⁶Sabetai enggau Josabat, orang Lewi ti tebilang, ti nyadi tuai ngatur pengawa ari luar Rumah Sembiang.

¹⁷Mataniah anak Mika, uchu Sapdi, peturun Asap. Iya nguluka raban orang belagu meri sampi terima kasih dalam Rumah Sembiang. Bakbukiah, ti nyadi penulung Mataniah. Apda anak Shamua, uchu Galal, peturun Jedutun.

¹⁸Pemayuh semua orang Lewi ti diau di Jerusalem nya 284 iku.

¹⁹Orang Ke Nyaga Rumah Sembiang Akup, Talmon, enggau kaban belayan seduai iya. Pemayuh semua sida: 172 iku.

²⁰Orang Israel ti bukai, bala imam enggau bala orang Lewi ti bukai diau ba tanah diri empu di nengeri bukai ti besai enggau ti mit di menua Judah.

²¹Orang ke bekereja dalam Rumah Sembiang, diau ba endur ti dikumbai Opel di Jerusalem, lalu sida bekereja di baruh Siha seduai Gispa.

²²Orang ke nyadi tuai ke bala orang Lewi ti diau di Jerusalem nya Usi anak Bani, uchu Hasabiah. Aki ini iya nyengkaum Matniah enggau Mika, lalu iya datai ari raban peturun Asap, iya nya raban peturun ke betanggungjawap nebah musik lebuh orang besembiang dalam Rumah Sembiang.

²³Atur ti diberi raja netapka semua raban peturun nya begintir-gintir nebah musik tiap hari dalam Rumah Sembiang.

²⁴Petahiah anak Mesesabel, ari raban peturun Serah ke ari raban bansa Judah, nyadika pengari bansa orang Israel di istana raja besai menua Persia.

²⁵Mayuh orang Israel diau ba nengeri semak umai sida empu. Raban bansa Judah diau di Kiriat-arba, Dibon, enggau Jekapseel, enggau ba genturung pendiau semak nengeri nya.

²⁶Sida mega diau di nengeri Jesua, Moladah, Bet-pelet,

²⁷Hasar-sual, enggau Beer-seba enggau ba sebelah genturung pendiau ti ngelingi nengeri nya.

²⁸Sida diau di nengeri Siklak, Mekonah enggau genturung pendiau ti ngelingi nengeri nya,

²⁹di En-rimon, Sorah, Jarmut,

³⁰Sanoah, Adulam, enggau ba genturung pendiau ti semak semua nengeri nya. Sida diau di Lakis, enggau ba umai semak nya, enggau di Asekah enggau ba genturung pendiau ti semak nengeri nya. Reti nya, orang Judah diau di menua entara Beer-seba di selatan enggau Lebak Hinom di utara.

³¹Raban bansa Benjamin diau di Geba, Mikmas, Ai, Betel, enggau ba genturung pendiau semak nya,

³²Anatot, Nop, Ananiah,

³³Hasor, Ramah, Gitaim,

³⁴Hadit, Seboim, Nebalat,

³⁵Lod, enggau Ono, enggau ba Emperan Tukang.

³⁶Sekeda raban orang Lewi ti diau di menua Judah, diasuh pindah lalu diau begulai enggau raban bansa Benjamin.