Read Iban Jop 17 Bible Online

Jop 17 - Iban bible

Jop 17

¹Aku nyau deka mati. Aku enda tentu ulih enseput agi. Aku nadai utai dianti agi, semina nganti kubur aja.

²Aku meda pemalat orang ngelanyaika aku.

³Aku endang betul ati, Allah Taala. Terima meh leka jaku aku. Nadai orang bukai deka nyukung utai ti disebut aku.

⁴Nuan udah nutup ati sida ngambika sida enda mereti. Anang nejuka sida ngalahka aku diatu.

⁵Jaku-dalam ti dulu kelia madahka siku orang nyual pangan iya kena ngulihka duit, lalu bala anak iya merinsa ketegal nya.[23]

⁶Diatu orang ngena jaku-dalam tu ngelaban aku. Sida datai lalu ngeludah mua aku.

⁷Ati aku balat tusah datai ke mata aku nyau rapa. Semua tubuh aku balat amat kurus.

⁸Orang ke ngumbai diri nadai penyalah tekenyit ati, lalu semua sida nuduhka aku enda arapka Allah Taala.

⁹Orang ke ngumbai diri lurus majak ngumbai diri ngena.

¹⁰Tang enti sema semua sida datai magang lalu bediri di mua aku, aku tetap nadai tetemuka sida nya bisi penemu-dalam.

¹¹Umur aku nyau deka abis. Perambu aku udah puntan magang. Aku nadai pengadang agi.

¹²Tang bala pangan aku ngumbai malam siang hari. Sida ngumbai penampak nyau semak, tang aku nemu diri agi mengkang dalam pemetang.

¹³Semina dunya pemati aja ti diadang aku, alai aku deka gali lalu tinduk dalam pemetang.

¹⁴Aku deka ngumbai kubur nyadika apai aku, lalu ulat ti makai aku deka dikumbai aku indai enggau menyadi indu aku.

¹⁵Nya alai dini alai pengadang aku? Sapa bisi meda pengadang aku?

¹⁶Pengadang enda mupuk enggau aku lebuh aku nurun ngagai dunya pemati.