Read Iban Jop 20 Bible Online

Jop 20 - Iban bible

Jop 20

¹Jop, nuan ngenusahka ati aku. Diatu aku enda liat ati nganti diri nyaut nuan.

³Utai ti udah disebut nuan nya mechat aku, tang aku nemu jalai nyaut nuan.

⁴Nuan tentu nemu, kenyau ari dulu kelia, lebuh mensia terubah diengkah ba dunya,

⁵orang ke jai enda ulih lantang lama.

⁶Sida nyangka ulih nyadi besai, bediri tinggi, datai ke pala sida nyau nyaruk remang,

⁷tang sida deka dikebuka baka amau. Orang ke udah ngelala sida deka alit ati ke penunga sida lenyau.

⁸ Sida deka lesap baka mimpi, baka genera lebuh malam hari, lalu nadai dipeda agi.

⁹Orang ke jai deka lesap ari endur alai sida diau,

¹⁰lalu bala anak sida deka mulaika utai ti udah dichuri sida ari orang ke seranta.

¹¹Dulu suba tubuh sida biak sereta kering, tang enda lama da agi, sida deka nyadi amau.

¹²Penyai asai ti nyamai disepi sida, datai ke sida nyau ngulum sekeda penyai nya dalam mulut sida, ngambika sida ngasaika penyamai iya.

¹⁴Tang pemakai nya bebali nyadi pait dalam perut sida, pait baka rachun.

¹⁵Orang ke jai ngemutahka pengaya ti dichuri sida. Allah Taala deka ngambi utai nya pulai baru, nyengkaum utai ti dalam perut sida.

¹⁶Utai ti ditelan orang ke jai nya baka rachun. Utai nya munuh sida baka pantuk ular ti bisa.

¹⁷Sida enda ulih idup lalu meda sungai minyak kana tauka sungai ti rarat ai tusu enggau ai manyi.

¹⁸Sida enda tau enda ngelengkaka semua utai ti udah ulih sida. Sida nadai peluang ngelantangka diri ngena pengaya sida,

¹⁹laban sida udah nekanka pengidup, sereta enda ngintu orang ke seranta lalu ngerampas rumah ti udah digaga orang bukai.

²⁰Sida enda nemu badu amu.

²¹Lebuh sida makai, sida nadai ninggalka teda, tang diatu pengaya sida nyau abis.

²²Lebuh sida mujur semua pemerinsa deka ninggang sida.

²³Awakka sida ngemuaska diri bepakaika utai! Allah Taala deka ringat lalu ngukum sida.

²⁴ Lebuh sida nguji ngerarika diri ari pedang besi, panah temaga deka nimbak sida.

²⁵Laja ngebuska tubuh sida. Darah sida beteritik ari ujung laja ti bekilap, lalu sida balat takut.

²⁶Semua utai ti udah ditaruh sida, dirusak magang. Api ti ukai ditungkun jari mensia nunu sida enggau semua sida sebilik.

²⁷Serega mandangka dosa sida, lalu dunya besaksi ngelaban sida.

²⁸Semua pengaya sida deka dirusak ulih pemalat pengeringat Allah Taala.

²⁹Nya meh pengujung orang ke jai ti udah diletak Allah Taala ke sida.