Read Iban Jop 21 Bible Online

Jop 21 - Iban bible

Jop 21

¹Pendingka jaku aku. Nya aja utai ti dipinta aku ari kita, kena aku merindang ati diri.

³Beri aku peluang bejaku, lalu udah nya, lebuh aku udah bejaku, nya baru kita tau enchebirka mulut ngeleseka aku.

⁴Aku ukai belaya enggau mensia. Aku bisi kebuah enda liat ati.

⁵Peda aku tu, ngambika kita temati-kutu lalu enda bemunyi.

⁶Lebuh aku berundingka utai ti udah nyadi ba aku, aku temati-kutu, lalu getar-getar.

⁷Nama kebuah Allah Taala nejuka orang ke jai idup, nejuka sida panjai umur sereta kaya?

⁸Sida ulih meda uchu ichit, lalu idup meda semua sida mansang besai tuai.

⁹Allah Taala nadai ngasuh penusah nuntung rumah sida. Sida nadai kala takut.

¹⁰Semua jelu sapi sida peridi magang lalu mudah beranak.

¹¹Bala anak sida belanda sereta bemain baka raban anak domba

¹²lalu betanda nitihka rentak munyi belikan enggau kesuling.

¹³Sida diau nadai utai ngachau lalu mati enda bemunyi, nadai merinsa.

¹⁴Orang ke jai enda ngasuh Allah Taala ibuhka sida. Sida enggai nemu peneka Allah Taala dalam pengidup sida.

¹⁵Dalam runding sida, nadai guna sida betuaika Allah Taala lalu nadai mega penguntung besampi ngagai Iya.

¹⁶Sida ngumbai pengering sida ulih ngasuh sida mujur, tang Aku kejika pelan orang ke jai.

¹⁷Kati penampak orang ke jai bisi kala dipadamka? Kati sida bisi udah kala dituntung penusah? Kati Allah Taala bisi udah kala ringat ngagai orang ke jai lalu ngukum sida?

¹⁸Berapa penyuah sida udah baka rumput ti rangkai ti dikebuka ribut, baka ampa ti ditabanka kabut?

¹⁹Kita ngumbai Allah Taala ngukum anak mit ketegal dosa apai iya. Tang ku aku, “Awakka Allah Taala ngukum orang ke bempu dosa. Awakka Allah Taala ngukum orang ke salah.

²⁰Awakka orang ke bedosa diukum ketegal dosa sida empu. Awakka sida ngasaika pengeringat Allah Taala ti Pemadu Bekuasa.[26]

²¹Lebuh kitai mati, kati kitai amat ibuhka pengelantang bala anak kitai tauka enda?

²²Kati mensia ulih ngajar Allah Taala? Indah melikat di serega deh diakim Iya.

²³Sekeda orang mengkang bepengerai nyentuk ngagai maya sida mati. Sida lantang ati lebuh sida mati, nadai irau mimit, lalu tubuh sida enda kurus.

²⁵Tang orang bukai nadai pengelantang. Sida idup lalu mati nabanka dendam.

²⁶Tang semua orang sebaka magang, mati lalu dikuburka. Semua sida dibalut ulat magang.

²⁷Aku nemu penyai runding kita.

²⁸Ku kita nanya, “Namaka penyadi rumah orang ke tinggi pangkat nya diatu, orang ke ngereja penyai?”

²⁹Kati kita nadai udah kala berandau enggau orang ke seruran bejalai ngagai menua bukai? Kati kita enda nemu utai ti ditusui sida?

³⁰Lebuh Allah Taala ringat lalu ngukum, orang ke jai enda diukum Iya.

³¹Nadai orang bedawaka orang ke jai tauka malas sida ketegal utai ti udah dikereja sida.

³²Lebuh sida dianjung ngagai pendam, ngagai lumbung sida ke chukup dijaga,

³³beribu-ribu iku orang enggau nganjung sida. Indah tanah deh nemu begadai-gadai ngelamun bangkai sida.

³⁴Tang kita nguji merindang aku ngena jaku ti mapap! Semua saut kita bula magang!