Read Iban Jop 6 Bible Online

Jop 6 - Iban bible

Jop 6

¹Enti penusah enggau pemerinsa aku ditimbang ngena dachin,

³Sida deka berat agi ari pasir ti di tasik. Nya alai, jaku aku ti kasar enda patut ngasuh ati nuan tekenyit.

⁴Allah Taala ti Pemadu Bekuasa udah nimbak aku ngena laja Lalu ipuh laja nya nyerangkap ba sebelah tubuh aku. Allah Taala udah ngerintaika utai ti balat ngenakut kena Iya ngelaban aku.

⁵Keledai puas ati lebuh iya ngulam rumput, Lalu sapi enda bemunyi lebuh iya ngulam rumput ti rangkai.

⁶Tang sapa ulih makai pemakai ti nadai asai, ti enda begaram? Baka ni ku asai telu burak?

⁷Aku enda tetengukka pemakai ti baka nya, Lalu semua utai ti diempa aku ngasuh aku mutah.[11]

⁸Nama kebuah Allah Taala enggai meri utai ti dipinta aku? Nama kebuah Iya enggai nyaut sampi aku?

⁹Manah agi enti Iya terus munuh aku!

¹⁰Enti aku nemu Iya deka munuh aku, aku deka ngingkak gaga ati, Enda ngira pemalat pemedis ti ditatka aku. Aku nemu Allah Taala endang kudus. Aku nadai kala ngelaban pesan Iya.

¹¹Nama pengering kena aku idup? Nama guna aku majak idup enti aku nadai pengadang?

¹²Kati aku digaga ari batu? Kati tubuh aku digaga ari temaga?

¹³Aku nadai agi pengering kena aku ngidupka diri. Aku nadai nemu orang ke ulih nulung aku.

¹⁴Lebuh aku dituntung penusah[12] baka tu, aku begunaka penelap ari pangan, Nemuka aku udah ninggalka Allah Taala tauka enda.

¹⁵Tang kita ke pangan aku nipu aku baka sungai Ti rangkai lebuh hari nadai ujan.

¹⁶Sungai nya nyau sebat laban seleju enggau ais,

¹⁷Tang lebuh hari nyau angat, sida lesap Lalu buntut sungai nya rangkai.

¹⁸Jelu unta ti narit kerita tesat begigaka ai. Sida segau-segau ngapa lalu mati di menua puang.

¹⁹Jelu unta ti narit kerita ari Sheba enggau Tema datai begigaka ai

²⁰Tang sida asa ngapa ba tebing sungai ti rangkai.

²¹Ba peda aku, kita tu baka sungai nya. Kita meda penusah aku, lalu kita takut.

²²Kati aku bisi udah kala minta pemeri ari kita Tauka nyuap orang ngarika aku,

²³Tauka minta kita ngelepaska aku ari jari munsuh tauka ari jari raja ti nadai pengasih?

²⁴Barang ku jaku, ajar meh aku. Padahka penyalah aku. Aku enggai bemunyi tang mendingka kita.

²⁵Aku nyangka deka mendingka jaku ti menuku, Tang jaku kita mapap.

²⁶Kita ngumbai aku bejaku ngapa. Enti baka nya, nama kebuah kita nimbal jaku serebana aku?

²⁷Kita sedia deka bechabut undi berebutka anak mit ti patu nyadi ulun kita Lalu ngulihka pengaya pangan kita!

²⁸Peda kita mua aku. Aku enggai bula.

²⁹Penemu kita udah kelalu lunggar. Anang bingkuk penemu. Anang besalahka aku. Aku enda salah.

³⁰Tang kita ngumbai aku bula. Kita ngumbai aku enda nemu bida entara utai ti ngena enggau utai ti salah.