Read Iban Masmur 13 Bible Online

Masmur 13 - Iban bible

Masmur 13

¹[18] Ni pengelama Nuan agi mengkang enda ingatka aku, O TUHAN? Belama lama iya? Ni pengelama Nuan agi mengkang belalai ari aku?

²Ni pengelama aku enda tau enda natka penusah? Ni pengelama ati aku enda tau enda sinu siang malam? Ni pengelama munsuh aku bekuasa atas aku?

³Malik ngagai aku, O TUHAN Allah Taala aku, lalu saut aku. Pulaika pengering aku ngagai aku baru. Anang nejuka aku mati.

⁴Anang nejuka munsuh aku nyebut, ‘Kitai udah ngalahka iya.’ Anang nejuka sida ngalah lalu ketawaka aku.

⁵Aku manggaika diri ba pengerindu Nuan ti meruan belama iya. Aku deka gaga ati laban Nuan deka ngidupka aku.

⁶Aku deka belagu ke Nuan, O TUHAN, laban Nuan udah manah enggau aku.