Read Iban Masmur 140 Bible Online

Masmur 140 - Iban bible

Masmur 140

¹[216] Selamatka aku ari orang ke ngereja penyai, O TUHAN. Jaga aku ari orang ke mangah,

²ke seruran bekira deka ngereja penyai, lalu enda ngetu-ngetu mai orang belaya.

³ Dilah sida baka ular ti bisa. Leka jaku sida baka rachun ular tedung.

⁴Jaga meh aku, TUHAN, ari kuasa orang ke jai. Jaga aku ari orang ke mangah ke bekira deka numbangka aku.

⁵Orang ke sumbung udah nan panjuk deka nyintak aku. Sida udah nan jarin, lalu ba sebelah tisi jalai, sida udah nan panjuk deka nangkap aku.

⁶Ku aku bejaku enggau TUHAN, “Nuan endang Allah Taala aku.” Dingaka aku ke ngangau minta tulung Nuan, O TUHAN!

⁷TUHAN ti Pemadu Tinggi, penyaga aku ti kering, Nuan udah nyaga aku lebuh aku beperang.

⁸TUHAN, anang meri ngagai orang ke jai utai ti dikinginka sida. Anang nejuka akal sida mujur.

⁹Anang nejuka bala munsuh aku menang.[217] Asuh jaku emba sida, pulai ngagai sida empu.

¹⁰Awakka bara api ninggang sida. Awakka sida dibuai ngagai lubang kebung, lalu enda pansut agi.

¹¹Awakka orang enda mujur betenahka pangan diri. Awakka penyai nitihka orang ke mangah lalu ngerusak sida.

¹²TUHAN, aku nemu Nuan endang nyaga orang ke seranta enggau nyaga hak orang ke suntuk.

¹³Orang ke lurus deka muji Nuan. Sida deka diau begulai enggau Nuan.