Read Iban Masmur 141 Bible Online

Masmur 141 - Iban bible

Masmur 141

¹[218] Aku ngangauka Nuan, O TUHAN. Tulung meh aku diatu! Pendingka aku, lebuh aku ngangauka Nuan.

² Sambut meh sampi aku nyadika menyan, jari ti diangkatka aku, nyadika piring lemai hari.

³O TUHAN, jaga mulut aku, lebuh aku bejaku.

⁴Anang nejuka aku ingin ngereja utai ti salah enggau ingin deka nyereta orang ke jai ngereja pengawa sida ke jai. Awakka aku enda enggau sida ngintu pengerami makai besai.

⁵Orang ke badas nyangka bisi nganu sereta ngerara aku enggau ati ti nelap, tang aku enggai sekali-kali nerima basa ari orang ke jai, laban aku endang seruran besampi ngelaban pengawa sida ke jai.

⁶Lebuh orang ke merintah sida ditikauka ari pala tingkah, nya baru sida deka ngaku jaku aku endang amat.

⁷Baka kayu ti dibelah lalu dipepat, baka nya meh tulang sida deka ngachir ba mua kubur.[219]

⁸Tang aku majak arapka Nuan, O TUHAN Allah Taala aku. Aku minta Nuan nyaga aku. Anang nejuka aku mati!

⁹Jaga aku ari panjuk ti udah ditan kena sida nyintak aku, ari jarin orang ke jai.

¹⁰Awakka orang ke jai disintak panjuk sida empu, lalu awakka aku enda bebadi.