Read Iban Masmur 142 Bible Online

Masmur 142 - Iban bible

Masmur 142

¹[220] Aku ngangauka TUHAN minta tulung. Aku minta Iya nulung aku.

²Aku mantaika semua serebana aku ngagai Iya. Aku madahka semua penusah aku ngagai Iya.

³Lebuh aku nyau lemi semengat, Iya nemu utai ti patut dikereja aku. Ba jalai ti ditengah aku, bala munsuh aku udah nan panjuk kena sida nyintak aku.

⁴Lebuh aku malik kiba kanan aku nadai meda orang deka nulung aku, nadai orang deka nyaga aku. nadai orang deka ibuhka aku.

⁵O TUHAN, aku nyabak minta Nuan nulung aku. Nuan, O TUHAN, endang penyaga aku. Semina Nuan siku aja ke dikinginka aku dalam pengidup tu.

⁶Pendingka sabak aku ke minta tulung, laban ati aku balat tusah. Selamatka aku ari bala munsuh aku, laban sida kelalu kering ke aku.

⁷Selamatka aku ari penusah tu,[221] nya baru aku deka meri terima kasih ngagai Nuan! Orang ke lurus deka begempuru ngelingi aku, laban pemadas Nuan enggau aku.