Read Iban Masmur 2 Bible Online

Masmur 2 - Iban bible

Masmur 2

¹ Nama kebuah orang bansa bukai bepekat lalu bekira deka ngereja utai ti nadai guna?

²Bala raja sida angkat ngelaban, lalu bala pemerintah sida sama bepekat ngelaban TUHAN enggau ngelaban raja ti udah dipilih Iya.

³Ku sida, “Aram kitai nganchurka kuasa sida. Aram kitai muai perintah sida.”

⁴TUHAN ti duduk di serega ketawa; Iya ngeleseka sida.

⁵Udah nya Iya deka bejaku ngagai sida enggau pengeringat, sereta ngenakutka sida ngena pengeringat Iya.

⁶“Aku udah nyiri raja Aku, ba bukit Aku ti kudus di Sion,”[1] ku TUHAN bejaku.

⁷ Ku raja nya bejaku, “Aku deka madahka adat ti udah diberi TUHAN. Ku TUHAN bejaku ngagai aku: ‘Nuan tu anak Aku. Sehari tu Aku udah nyadi Apai nuan.

⁸Pinta ari Aku, lalu Aku deka ngaga mayuh bengkah bansa nyadika pesaka nuan, lalu semua dunya deka diempu nuan.

⁹ Nuan deka mechahka sida ngena tungkat besi, lalu ngeredakka sida baka ke ngeredakka periuk tanah.’ ”

¹⁰Nya alai diatu, O kita ke raja, kita enda tau enda pintar; Bejaga kita, O kita ke pemerintah dunya.

¹¹Betuaika TUHAN enggau ati ti nangi. Getar-getar

¹²nyium kaki Iya,[2] enggai ke Iya ringat lalu kita mati enggau ngenyit; laban Iya jampat ringat.