Read Iban Masmur 23 Bible Online

Masmur 23 - Iban bible

Masmur 23

¹[38] TUHAN pengibun aku. Aku nadai suntuk utai.

² Iya ngasuh aku belelak ba padang rumput ti galak lalu nguluka aku ngagai ai ti tenang.

³Iya ngasuh aku kering baru. Iya ngiring aku nengah jalai ti ngena, ketegal nama Iya.

⁴Taja pen aku bejalai nengah darung kelemayang pemati,[39] aku enda takut, laban Nuan bisi enggau aku. Pemalu enggau tungkat Nuan ngasuh aku likun.

⁵Nuan nyendiaka pengerami makai besai ke aku di mua munsuh aku. Nuan nata pala aku ngena minyak lalu ngisi jalung aku penuh.

⁶Aku nemu, pemanah enggau pengerindu Nuan deka meruan enggau aku sepemanjai umur aku. Lalu aku deka diau dalam rumah TUHAN belama lama iya.