Read Iban Masmur 28 Bible Online

Masmur 28 - Iban bible

Masmur 28

¹[46] O TUHAN, ke penyaga aku, aku ngangauka Nuan. Pendingka sabak aku! Enti Nuan enda nyaut aku, aku deka nurun enggau orang ngagai dunya pemati.

²Dingaka aku lebuh aku nyabak ngagai Nuan minta tulung, lebuh aku ngangkatka jari aku ngagai Rumah Sembiang Nuan ti kudus.

³Anang ngukum aku baka Nuan ke ngukum orang ke jai, enggau orang ke ngereja penyai, ke bejaku manis ngagai pangan diri tang bisi pemenchi dalam ati sida.

⁴ Ukum meh sida ketegal utai ti udah dikereja sida, ketegal penyai ti udah dikereja sida. Ukum meh sida ketegal semua pengawa sida. Beri ngagai sida ukum ti patut diterima sida!

⁵Sida nadai beratika utai ti udah dikereja TUHAN tauka utai ti udah digaga TUHAN. Nya alai TUHAN deka ngukum sida lalu ngerusak sida belama iya.

⁶Beri puji ngagai TUHAN laban Iya udah ningaka aku ke nyabak minta tulung.

⁷TUHAN ngelindung sereta nyaga aku. Aku manggaika pengarap aku ba Iya. Iya nulung aku, lalu ngasuh ati aku gaga. Aku belagu muji Iya ngena lagu gaga ati.

⁸TUHAN ngelindung bala nembiak Iya. Iya nyaga sereta ngidupka raja ti udah dipilih Iya.

⁹Lepaska bala nembiak Nuan, TUHAN, lalu berekatka sida ke enggi Nuan. Awakka Nuan nyadi pengibun sida, lalu ngibun sida belama iya.