Read Iban Masmur 3 Bible Online

Masmur 3 - Iban bible

Masmur 3

¹[3] O TUHAN, naka meh pemayuh munsuh aku! Naka meh pemayuh orang ke angkat ngelaban aku!

²Sida bejakuka aku. Ku sida, “Allah Taala enggai nulung iya.”

³Tang Nuan, O TUHAN, baka terabai ti ngelingi aku, Nuan ngasuh aku menang lalu ngasuh aku berani baru.

⁴Aku ngangauka TUHAN, lalu Iya nyaut aku ari bukit Iya ti kudus.[4]

⁵Aku gali lalu tinduk, lalu aku dani baru, laban TUHAN nyaga aku.

⁶Aku enda takutka beribu-ribu iku munsuh ke ngelingi aku.

⁷Angkat meh Nuan, O TUHAN! Selamatka aku, O Allah Taala aku! Laban Nuan nampar kuyu semua munsuh aku, Nuan matahka ngeli semua orang ke jai.

⁸Pengelepas endang enggi TUHAN. Berekatka bala nembiak Nuan!