Read Iban Masmur 54 Bible Online

Masmur 54 - Iban bible

Masmur 54

¹[94] Selamatka aku ngena kuasa Nuan, O Allah Taala. Selamatka aku ngena pengering Nuan!

²Dingaka sampi aku, O Allah Taala. Pendingka jaku aku!

³Orang ke sumbung deka datai lalu nyerang aku. Orang ke jai nguji munuh aku, Orang nya enda begunaka Allah Taala.

⁴Tang Allah Taala endang penyaup aku. TUHAN endang penyaga aku.

⁵Awakka Allah Taala ngukum bala munsuh aku ngena penyai sida empu. Iya deka ngerusak sida laban Iya endang tetap ati.

⁶Aku deka gaga ati ngenjuk piring ngagai Nuan, O TUHAN. Aku deka meri terima kasih ngagai Nuan laban Nuan endang badas.

⁷Nuan udah ngelepaska aku ari semua penusah aku, lalu aku udah meda bala munsuh aku alah.