Read Iban Masmur 6 Bible Online

Masmur 6 - Iban bible

Masmur 6

¹[7] TUHAN, anang nganu aku lebuh Nuan ringat! Anang ngukum aku lebuh Nuan ringat!

²Kasihka aku, O TUHAN, laban aku lelak; O TUHAN, geraika aku, laban aku nyau lembut tulang.

³Ati aku balat tusah. Ni pengelama baru Nuan deka nulung aku, O TUHAN?

⁴Nguing meh Nuan ngagai aku, O TUHAN lalu selamatka aku. Lepaska aku ketegal pengerindu Nuan ti meruan belama iya.

⁵Laban orang ke mati nadai agi ingatka Nuan; Di dunya pemati, nadai orang muji Nuan.

⁶Aku nyau lelak bedemuh. Genap malam peninduk aku basah laban ai mata. Panggal aku nyau basah laban ai mata aku.

⁷Mata aku nyau bangkung laban ati aku balat tusah. Mata aku nyau rapa laban semua munsuh aku.

⁸ Rari ari aku, semua kita ke ngereja penyai; laban TUHAN udah ninga sabak aku.

⁹TUHAN udah ninga pinta aku; TUHAN nerima sampi aku.

¹⁰Semua munsuh aku deka malu sereta takut; sida deka nikal lalu dikeleseka enda lama da agi.