Read Iban Masmur 61 Bible Online

Masmur 61 - Iban bible

Masmur 61

¹[108] Dingaka sabak aku, O Allah Taala. Pendingka sampi aku!

²Enggau ati ti balat tusah, sereta jauh ari rumah, aku ngangauka Nuan! Bai aku ngagai endur alai ngenduh ti likun,

³laban Nuan penyaga aku, ti kering nyaga aku ari munsuh.

⁴Awakka aku diau ba Endur Kudus Nuan seumur idup. Awakka aku diau likun di baruh sayap Nuan.

⁵Nuan udah ninga semaya aku, O Allah Taala, lalu Nuan udah meri aku utai ti diempu orang ke ngemesaika Nuan.

⁶Asuh raja gayu. Asuh iya idup belama iya!

⁷Awakka iya merintah belama iya di mua Nuan, O Allah Taala. Jaga iya ngena pengerindu Nuan ti meruan belama iya, enggau ngena penetap ati Nuan.

⁸Nya baru aku deka selalu belagu muji Nuan, lebuh aku meri ngagai Nuan tiap hari, utai ti udah disemaya aku.