Read Iban Masmur 8 Bible Online

Masmur 8 - Iban bible

Masmur 8

¹[10] O TUHAN, ti TUHAN kami. Naka meh pemesai kuasa nama Nuan di serata dunya! Nuan ke bempu mulia ti tinggi ngilah langit, ke dipuji

² bala nembiak enggau bala anak mit. Nuan udah ngaga kuta kena Nuan ngelaban munsuh Nuan, kena Nuan nagang munsuh enggau orang ke ngiga balas.

³Lebuh aku engkadah ke langit ti udah digaga Nuan, engkadah ngagai bulan enggau bintang ti udah di atur Nuan,

⁴ aku lalu nanya: ‘Sapa mensia, alai Nuan deka bedulika sida? Sapa anak mensia, alai Nuan deka ibuhka sida?’

⁵ Tang taja pia, Nuan udah ngaga iya semina baruh mimit ari Nuan Empu,[11] lalu Nuan udah meri iya mulia enggau basa nyadika makota iya.

⁶ Nuan udah ngasuh iya merintah semua utai ti digaga Nuan; Nuan udah ngengkahka semua utai di baruh kaki[12] iya,

⁷semua jelu bedus enggau sapi, enggau jelu babas,

⁸ semua burung enggau ikan enggau semua utai ti idup dalam tasik.

⁹O TUHAN, ti TUHAN kami, naka meh pemesai kuasa nama Nuan di serata dunya!