Read Iban Masmur 82 Bible Online

Masmur 82 - Iban bible

Masmur 82

¹[151] Allah Taala nguluka orang serega baum. Iya meri pemutus penemu ngagai bala petara:

²“Kita enda tau enda badu agi ngakim ngena chara ti enda lurus. Kita enda tau agi ngeringka orang ke jai!

³Beri atur ti lurus ngagai orang ke seranta enggau orang ke nadai apai indai; jaga hak orang ke seranta, enggau ke merinsa.

⁴Lepaska sida ari kuasa orang ke jai.

⁵“Naka meh penadai penemu kita! Naka meh pemeli kita! Kita tu amat jai, lalu atur ti lurus udah lesap ari dunya tu.

⁶ Ku Aku bejaku, ‘Kita tu petara. Semua kita tu anak Allah Taala ti Pemadu Tinggi.’

⁷Tang kita deka mati baka mensia. Umur kita deka abis baka umur anak raja.”

⁸Datai meh Nuan, O Allah Taala, lalu perintah meh dunya tu. Semua bansa endang enggi Nuan magang.