Read Iban Masmur 95 Bible Online

Masmur 95 - Iban bible

Masmur 95

¹Aram kitai muji TUHAN! Aram kitai belagu gaga ati ke Allah Taala ti nyaga kitai!

²Aram kitai datai ngagai Iya mai lagu terima kasih lalu nyanyi pantun puji enggau ati ti gaga.

³Laban TUHAN endang Allah Taala ti bekuasa Raja ke bekuasa ari atas semua petara.

⁴Iya merintah semua dunya, kenyau ari lubang gua ti pemadu dalam nyentuk ngagai bukit ti pemadu tinggi.

⁵Iya merintah tasik ti udah digaga Iya Empu enggau tanah ti udah ditempa jari Iya Empu.

⁶Aram kitai meremi lalu nyembah Iya. Aram kitai besugang di mua TUHAN ti udah ngaga kitai!

⁷ Iya endang Allah Taala kitai. Kitai tu orang ke diibun Iya, raban ke ditupi Iya. Sehari tu dingaka utai ti disebut Iya:

⁸ “Anang kieh, baka aki ini kita di Meribah, baka sida sehari nya di menua puang di Masah.

⁹Dia meh alai sida ke ngabas ati Aku sereta nguji Aku, taja pen sida udah meda utai ti udah dikereja Aku.

¹⁰Empat puluh taun Aku udah kejika orang nya. Ku Aku, ‘Naka meh pemalat sida tu enda taluk! Sida enggai ngasika pesan Aku.’

¹¹ Aku ringat, lalu besemaya ngena sumpah. ‘Kita enda ulih tama ngagai menua ti alai Aku deka ngasuh kita belelak.’ ”