Read Iban Sirakh 16 Bible Online

Sirakh 16 - Iban bible

Sirakh 16

¹Allah Taala Ngukum Orang Ke Bedosa Anang ingin ke mayuh anak ke jai ulah, lalu anang gagaka anak ke enda arapka Allah Taala.

²Taja anak nuan mayuh, anang temegahka pemayuh sida enti sida enda nangika Tuhan.

³Anang andalka sida panjai umur, lalu anang andalka pemayuh sida. Manah agi bisi siku aja anak ari ke bisi seribu iku, lalu manah agi mati nadai anak ari ke bisi anak ke enda arapka Allah Taala.

⁴Ketegal siku orang ke pandai, pemayuh orang di nengeri nya betambah, tang bansa ke enda nitihka atur deka abis rusak.

⁵Aku suah meda pekara ti baka nya, lalu iya ti balat agi ari nya bisi mega aku ninga.

⁶Api deka nyelar ba raban orang ke bedosa, lalu pengeringat Tuhan deka mau ba bansa ke enda taluk.

⁷Tuhan enda ngampun orang kelia ke besai gamal ke ngelaban Iya.

⁸Tuhan begedika orang ke idup ba nengeri endur Lot, lalu enda kasihka sida ketegal penyumbung sida.

⁹Iya enda kasihka bansa ke bedosa baka nya, nya alai Iya ngerusak sida ketegal dosa sida.

¹⁰Baka nya mega nasib 600,000 iku orang ke kieh deka ngelaban Tuhan ke benung bejalai nengah padang pasir.

¹¹Enti sema bisi siku orang ke kieh ulih lepas ari ukum Tuhan, nya endang nyelai. Tuhan penuh enggau pengasih, tang Iya nemu mega ringat. Iya bisi kuasa ngampun, tang Iya mega nemu mantaika pengeringat.

¹²Tuhan penuh enggau pengasih, tang ukum Iya mega berat. Iya ngakim orang setipak enggau ulah sida.

¹³Orang ke bedosa enggau perapasan sida enda ulih lepas, tang orang ke lurus ke besabar enda nesal.

¹⁴Genap iku orang ke lurus deka nerima upah sida setipak enggau pengawa ti dikereja sida.[10] tiap orang deka nerima utai ti patut diterima iya.[11] Balas Mesti Datai

¹⁷Anang nyebut, “Aku deka belalai ari Allah Taala. Datas din nadai orang berundingka aku. Aku tentu enda ditemu ba tugung orang mayuh. Ari semua utai ti manah digaga Tuhan, aku tu meh ke nadai reti.”

¹⁸Lebuh Tuhan datai, semua utai baka tanah, tasik enggau langit deka berenyang magang.

¹⁹Bukit enggau utai dalam tanah deka begegar lebuh diperening Tuhan.

²⁰Tang semua utai nya nadai masuk runding mensia, lalu sida enda beratika jalai Tuhan.

²¹Agi mayuh utai digaga Tuhan enda ditemu, baka ribut kudi ti enda ulih dipeda mensia.

²²“Sapa ulih madah ngagai Tuhan utai ti lurus digaga aku?”, lalu sapa ulih nganti Iya? Laban Tuhan sigi lubah amat ngereja utai ti disemaya Iya.”

²³Baka nya meh runding orang ke mabu penemu, beli sereta tesat. Penemu Dalam Allah Taala Ba Utai Digaga Iya

²⁴Anak aku, dinga sereta peratika jaku aku ngambika nuan bulih penemu.

²⁵Aku deka meri ajar ti betusun enggau penemu ti silik.

²⁶Terubah iya, Tuhan ngaga semua utai, lalu Iya ngatur endur sida.

²⁷Semua utai digaga Iya sigi diatur ke selama-lama iya, lalu genap mensia enggau peturun sida diberi menua ti dikuasa sida. Nadai orang lapar, lalu nadai utai lelak tauka ngetu bekereja.

²⁸Nadai siti utai begelumu ngagai sebengakah-sebengkah endur, lalu nadai kala sida ngelaban atur Tuhan.

²⁹Udah Tuhan ngaga semua nya, Tuhan malik ngagai dunya tu, lalu ngisi iya enggau mayuh macham utai ti manah.

³⁰Iya menuhka dunya tu enggau mayuh macham utai idup. Semua utai nya idudilindung iya ari panchar pengangat matahari.