Read Iban Sirakh 22 Bible Online

Sirakh 22 - Iban bible

Sirakh 22

¹Buruk sereta Beli Orang ke buruk sebaka enggau utai ti kamah; iya ngasuh orang keji, lalu nadai orang deka semak iya.

³Enti bisi anak enda ulih ajar, iya ngemalu apai iya, kelebih agi enti iya anak indu.

⁴Anak indu ke manah deka bulih laki, tang iya ke enda nemu malu deka ngenusah apai iya.

⁵Anak indu ke kurang ajar ngemalu apai enggau laki iya, lalu seduai nya enda bebasaka iya.

⁶Ngajar anak ba maya ti salah baka orang ke belagu maya ngulit, tang ngajar anak ngena jalai sipat, nya jalai ti betul, lalu tau dikereja sebarang maya.

⁷Pengawa ngajar orang beli sebaka enggau pengawa nyantirka periuk pechah tauka ngerak orang ke benung tinduk jenak.

⁸Pengawa nerangka utai ngagai orang beli baka bejaku enggau orang ngantuk, lalu iya deka nanya, “Nama utai?”[21]

¹¹Sabak meh ke orang ke udah parai laban sida nadai agi meda penampak; sabak meh ke orang ke beli laban sida kurang pemandai. Nadai guna tekelalu tusah ati ketegal orang ke parai laban sida nadai tusah. Tang pengidup orang ke beli lebih tusah ari pemati.

¹²Orang ngulitka orang ke parai tujuh hari aja. Tang orang ke beli sereta jai ngenusah orang seumur idup.

¹³Anang nemuai ngagai orang beli, lalu anang berandau lama enggau sida. Bejimat enggau sida enggaika penyai sida ngenusah nuan. Nyauhka diri ari sida, nya baru nuan bulih pengelantang sereta enda dikachau ulih pemeli sida.

¹⁴Orang ke baka nya deka ngenusah nuan lebih berat ari bangkang. Gelar ti patut diberi ngagai orang ke baka nya, “orang palui”.

¹⁵Nyamai agi ngesan pasir, garam, enggau besi ari ti begulai enggau orang beli.

¹⁶Alang ti dipasang teguh ba rumah, enda ulih diguyang tanah berenyang. Baka nya mega orang ke bepanggai ba runding ti tetap, iya enda irau lebuh kena tinggang penusah.

¹⁷Runding ti bepun ari penemu ti manah baka utai ti manah kena ngelagu dinding ti rata.

¹⁸Batu kerangan ti diingkah atas dinding, endang enda tan dipuputka ribut. Baka nya mega orang ke takut laban runding ti beli, enda meh tan lebuh utai ti ngenakut balat nyadi. Bepangan

¹⁹Enti mata ditegu, pansut ai mata, lalu enti ati ditegu ayan meh pengasai iya.

²⁰Orang ke nikau burung enggau batu sigi muru iya; orang ke mantah pangan sigi mutuska kaul antara pangan.

²¹Enti nuan bekerakar tauka belaya enggau pangan nuan, anang putus ati. Nuan agi ulih bebaik enggau iya. Tang genap iku pangan nuan deka rari enti nuan bejai iya, nyumbungka diri, nusi utai ti dipelalaika iya tauka ngalih ngelaban iya.

²³Nuan patut nyadi orang ke tau dikarapka orang ke begulai pendiau enggau nuan maya iya seranta, nya baru nuan deka lantang ati lebuh iya mujur. Begulai enggau iya lebuh iya tusah, nya baru nuan bulih ungkup ari reta pesaka iya.

²⁴Bau enggau asap deka nampak dulu ari api, baka nya mega pengawa ti ngemalu deka nyadi dulu ari laya sampai bebunuh.

²⁵Aku enda takut nyaga pangan aku, lalu enda diau diri enti iya begunaka tulung aku.

²⁶Tang enti aku kena penusah ketegal nulung iya, semua orang ke ninga nya deka bejimat enggau iya. Sembiang Minta Tulung Ngelaban Dosa

²⁷Aku minta mulut aku dijaga lalu bibir aku dicap ngena penemu-dalam. Nya baru aku ulih ngelaungka p engawa ti salah lalu enda ngerusak diri ketega l dilah aku empu.