Read Iban Sirakh 3 Bible Online

Sirakh 3 - Iban bible

Sirakh 3

¹Tanggungjawab Anak Ngagai Apai Indai Kita anak aku, dingaka aku apai kita. Kereja utai ti dipadah aku ngagai kita, nya baru kita deka selamat.

²Tuhan ngasuh bala anak bebasaka apai sida lalu enda tau enda ngaku kuasa indai sida.

³Enti nuan bebasaka apai nuan, penyalah nuan deka diampun.

⁴Enti nuan ngelala pemanah indai nuan, nuan baka orang ke ngumpul reta.

⁵Enti nuan bebasaka apai nuan, ila bala anak nuan deka manah enggau nuan, lalu Tuhan nerima sembiang nuan.

⁶Enti nuan bebasaka apai nuan, nuan deka panjai umur. Enti nuan talukka Tuhan nuan ngenyenangka ati indai nuan.

⁷Intu apai indai nuan asaika nuan ulun sida.

⁸Bebasaka apai nuan dalam semua pengawa enggau jaku nuan ngambika nuan bulih berekat iya.

⁹Berekat apai nuan deka ngasuh bilik nuan menyana, tang iya deka tusah enti disumpah indai nuan.

¹⁰Anang ngiga basa ke nuan empu ngena jalai ngemaruhka apai nuan, laban enti iya dikeleseka, utai baka nya ukai nyadi basa ke nuan.

¹¹Enti nuan bebasaka apai nuan, nuan empu deka dibasa, lalu enti nuan ngemalu indai nuan, nuan empu deka malu.

¹²Anak aku, tulung apai nuan maya iya nyau tuai. Anang ngasuh ati iya tusah sekumbang iya idup.

¹³Ampun iya enti pengingat iya nyau kurang. Anang ngemelika iya laban nuan gerai sereta kering.

¹⁴Pemanah ti ditunjukka nuan ke apai nuan tetap dikingatka Tuhan, lalu dikira Iya kena muai dosa nuan.

¹⁵Lebuh nuan kena penusah, Tuhan deka ingatka pemanah nuan. Dosa nuan deka lenyau baka ambun kena pengangat matahari.

¹⁶Anak ke ninggalka apai indai tauka ngasuh sida ringat sebaka enggau pengawa ti ngeleseka Tuhan, lalu Tuhan deka nyumpah iya. Pemaruh Ati

¹⁷Anak aku, anang enda baruh ati dalam semua pengawa nuan, nya baru nuan dikerinduka orang ke dikerinduka Tuhan.

¹⁸ Tinggi agi pangkat nuan, balat agi nuan ngemaruhka diri, nya baru nuan ngenyenangka ati Tuhan.[5]

²⁰Kuasa Tuhan besai amat, tang Iya nerima basa ari orang ke baruh ati.

²¹Anang nguji deka meretika utai ti tekelalu mar ba nuan, tauka deka nasat utai ti lebih ari penemu nuan.

²²Tumpuka ati nuan ba Adat ti udah diberi ngagai nuan. Anang pedulika utai ti enda dipadahka Tuhan ngagai nuan.

²³Nya alai anang kiruh deka nasat utai di luar penemu nuan, laban utai ti dipadah ngagai nuan udah tekelalu lebih ari penemu mensia.

²⁴Mayuh orang udah tesat laban runding sida empu. Runding sida ti charut ngasuh sida salah sangka.[6] Sumbung

²⁶Orang ke kieh pengujung iya deka tusah, lalu orang ke rinduka penusah deka rusak laban penusah.

²⁷Orang ke kieh endang ngiga mayuh penusah ke diri empu, lalu orang ke bedosa majak nambahka dosa.

²⁸Penusah orang ke sumbung enda ulih suman laban penyai udah lekat dalam ati sida.

²⁹Orang ke pintar deka beratika leka jaku dalam. Sida deka amat mending ngambi bulih penemu. Meri Sedekah

³⁰Baka api ti mau dipadamka ai, baka nya mega dosa ulih dibuai ngena jalai meri sedekah.

³¹Orang ke ngereja pengawa ti manah ke orang bukai, endang berundingka diri empu dudi hari, laban sida nemu sida empu deka nerima tulung maya kena penusah.