Read Iban Sirakh 42 Bible Online

Sirakh 42 - Iban bible

Sirakh 42

¹Berasai Temegah Ati Anang bedosa ketegal nangika runding orang pasal nuan, lalu tu meh utai ti enda patut dikemaluka:

²Adat enggau sempekat Allah Taala Ke Pemadu Tinggi; pemutus ti ngelepaska orang ke jai,

³bekunsi belanja enggau pangan ke sama sejalai; magi reta pangan;

⁴ngena takar enggau dachin ti betul; bulih untung baik mayuh tauka mimit;

⁵bulih untung ari ti betawar enggau orang dagang; selalu ngajar bala anak nuan; ngelunsin ulun ke jai sampai bedarah.

⁶Iya ti manah, simpan utai dalam peti ti bekunchi enti nuan enda bechayaka bini nuan, tauka enti mayuh orang dia.

⁷Tiap, lalu timbang utai ti disimpan nuan, lalu tulis semua rekod masuk enggau keluar.

⁸Anang malu ngajar orang ke beli tauka orang tuai ke jai ulah gila indu. Nya baru nuan nyadi orang ke amat bepelajar lalu dipuji di mua orang mayuh. Nyaga Anak Indu

⁹ Apai enda memunyi lalu enda tentu tinduk laban berundingka anak indu iya. Lebuh anak nya agi biak, apai iya irau enggaika iya enda belaki. Tang udah anak iya belaki, apai iya irau enggaika anak iya enda dikarinduka laki iya.

¹⁰Lebuh iya agi dara bungas, apai iya irau amat enggaika anak iya dikachau orang, lalu ngandung lebuh agi sebilik enggau apai iya. Tang udah iya belaki, apai iya irau enggaika anak iya punas tauka gila lelaki bukai.

¹¹Jaga amat anak dara nuan ke kieh ati. Enti enda pia, nuan diketawaka bala munsuh nuan, dikerandauka orang di seluruh nengeri, lalu nuan diketawaka ba mua orang mayuh.

¹²Anang ngelakka iya mandangka pemajik ba mua orang laki, lalu anang ngasuh iya berandau enggau indu bukai,

¹³laban ari sida nya datai utai ti jai, baka gegat ngerusak gari.

¹⁴Penyai orang laki badas agi enti dibanding enggau penyai orang. Penyai orang indu meri pemalu. Pemesai Kuasa Allah Taala Ba Utai Digaga Iya

¹⁵Aku deka ngenang pasal pengawa Tuhan, utai ti dipeda aku deka ditulis aku; semua utai nya udah nyadi ari peneka Iya.

¹⁶Penampak panchar matahari ngasuh semua utai terang; genap utai ti digaga Tuhan disi enggau mulia Iya.

¹⁷Neh ngagai bala melikat Iya Tuhan enda meri penemu kena nusi pemesai pengawa Iya, utai ti ditentuka Tuhan Ke Pemadu Bekuasa ngambika seluruh dunya di bap langit tegap dalam mulia Iya.

¹⁸Iya meda semua utai dalam tasik enggau dalam ati mensia; Iya nemu semua utai ti deka nyadi dalam tasik enggau utai ti deka digaga mensia. Iya Ke Pemadu Tinggi nemu semua utai ti patut ditemu, lalu Iya nemu semua tanda dunya.

¹⁹Iya madahka semua utai ti udah nyadi enggau ti deka nyadi, lalu ngayanka utai ti dipelalaika amat-amat.

²⁰Iya beratika semua runding kitai lalu ninga tiap leka jaku ti disebut kitai.

²¹Dunya ti bisi atur nunjukka pemandai Iya ti besai; Semina siku Iya aja ke meruan selama-lama iya. Nadai utai ulih ditambah tauka dikurangka ari Iya. Iya nadai begunaka orang nyadi penyanding penemu.

²²Semua utai ti digaga Iya manah magang nyentukka perechi api ti pengabis mit.

²³Semua utai nya idup, lalu bejalai belama sereta tetap ngereja pengawa nitihka tuju diri empu.

²⁴Semua utai nya digaga sepasang magang, lalu siti enda sebaka enggau siti; Semua utai ti digaga Iya tembu magang.

²⁵Tiap iti utai nya setimbal pemanah enggau ti bukai. Sapa ke nemu puas meda pemesai kua sa Iya?