Read Iban Sirakh 43 Bible Online

Sirakh 43 - Iban bible

Sirakh 43

¹Matahari Naka pemanah meh langit besai bebendang di atas kitai, naka pemanah mulia iya dipeda ti ngasuh alit ati.

²Matahari tumbuh pagi ngayanka penyelai iya ti digaga Tuhan Ke Pemadu Tinggi.

³Lebuh siang hari matahari ngangatka tanah; nadai utai tan laban pengangat iya.

⁴Orang muput lubang api ngambi iya angat, tang matahari nganguska bukit tiga kali lipat angat ari lubang api. Matahari mancharka penampak iya ti mirah; perenching iya ngasuh mata silau.

⁵Amat besai meh kuasa Tuhan ke ngaga iya, lalu ulih jaku Iya, matahari laju bejalai ke bukai. Bulan

⁶Bulan pen betul maya iya, nunjukka timpuh enggau tanda musin.

⁷Bulan nyadika tanda hari besai, penampak iya nyau mansang kerabur udah iya kembung.

⁸Bulan meri nama iya ke timpuh satu bulan; Panchar iya betambah nyelai lebuh iya nginsit. Bulan manchar di langit, lalu nyadi tanda semua utai di langit. Bintang

⁹Bintang ti mayuh nambahka penampak kena ngelagu langit Tuhan.

¹⁰Endur sida udah diatur nundaka peneka Tuhan Ke Kudus; Semua sida nya enda nemu leju bejaga. Neraja

¹¹Peda neraja lalu puji Pengaga iya. Gaya iya manah amat dipeda.

¹²Iya bebendang engkelung di langit ti digaga Tuhan Ke Pemadu Tinggi. Tanda Bukai Di Dunya.

¹³Tuhan bejaku, seleju lalu nurun; kilat meletup bejalaika atur Tuhan.

¹⁴Pintu langit tebuka, lalu mua hari pen datai baka burung terebai.

¹⁵Ulih kuasa Iya, Tuhan ngumpul mua hari, lalu ngasuh iya nyadi ujan batu.

¹⁶Laban rauh bunyi letup guntur, dunya nyau begetar pedis; semua bukit begunchang meda penatai Tuhan. Nitihka peneka Iya ribut ari selatan bepuput, lalu datai ribut kudi ari utara enggau biau balai. Seleju diasuh Iya tebal baka penginggap burung enggau buntak.

¹⁸Amat manah dipeda pemurak enggau pemeresi seleju; kitai nyau tegenung meda iya labuh ke tanah.

¹⁹Tuhan naburka ambun ti meku atas tanah baka garam, lalu iya tajam baka duri laban tekelalu chelap.

²⁰Iya ngasuh ribut ti chelap datai ari utara; penyelap iya ngasuh ai meku. Semua pegung ai nyau meku magang baka ti ditutup enggau baju besi.

²¹Iya ngangguska bukit di padang pasir, baka api ke nunu rumput.

²²Semua nya idup baru ulih ribut kudi; sementara ambun nurun, angin lalu chelap.

²³Ngena kuasa Iya, Tuhan ngasuh tasik teduh lalu ngaga pulau bisi dia.

²⁴Bala kelasi kapal becherita pasal pemalat penusah ti nyadi di tasik; alit ati kitai ninga penusah sida.

²⁵Di tasik mayuh macham utai idup ti nyelai enggau jelu ti besai sereta jai gamal.

²⁶Genap utai ti diasuh Tuhan mujur ngereja pengawa, semua utai nya diatur jaku Iya.

²⁷Agi mayuh utai deka disebut, tang enda nemu ambis; enggau jaku pandak, Tuhan meh ke ngasuh semua utai nyadi.

²⁸Baka ni kitai ulih muji Iya? Iya lebih besai ari semua utai ti digaga Iya.

²⁹Tuhan udu besai amat lalu ngenakutka, kuasa Iya ngasuh alit ati.

³⁰Awakka nuan muji Iya enggau naka ulih, taja Iya lebih besai ari puji nuan. Awakka nuan ngemesaika Iya enggau pengabis pengering nuan, anang leju, taja puji nuan enda nemu chukup.

³¹Nadai orang kala meda Iya, lalu ulih madah baka ni gamal Iya. Nadai orang ulih meri puji ti chukup ngagai Iya.

³²Agi mayuh utai misteria ti besai bedau ditemu, laban ari utai ti digaga Iya semina mimit aja ulih dipeda kitai.

³³Tuhan ngaga semua utai di bap langit, lalu Iya meri penemu-dalam ngagai orang ke arap ke Iya.