Read Iban Adat Lewi 15 Bible Online

Adat Lewi 15 - Iban bible

Adat Lewi 15

¹TUHAN meri adat tu ngagai Moses seduai Aron

²ke orang Israel. Lebuh utai pansut ari perengka lelaki, utai nya enda tuchi,

³nemuka utai nya neritik ari perengka iya, tauka enda.

⁴Semua peninduk ti udah alai iya duduk tauka gali, enda tuchi magang.

⁵Barang sapa negu peninduk orang nya

⁶tauka duduk ba sebarang utai ti udah alai orang nya duduk, enda tau enda masu gari diri, lalu mandi, lalu iya deka mengkang enda tuchi nyentuk ngagai lemai.

⁷Barang sapa negu orang ke mansutka utai ti kamah ari tubuh, enda tau enda masu gari diri, lalu mandi, lalu iya deka mengkang enda tuchi nyentuk ngagai lemai.

⁸Enti orang ke mansutka utai ti kamah nya ngeludah orang ke tuchi, orang ke diludah iya nya enda tau enda masu gari diri, lalu mandi, lalu iya deka mengkang enda tuchi nyentuk ngagai lemai.

⁹Penuduk ti dikena orang nya nepan kuda, tauka penuduk ti udah alai iya duduk, nyadi enda tuchi.

¹⁰Barang sapa negu utai ti udah alai orang ke mansutka utai ti kamah nya duduk, nyadi enda tuchi nyentuk ngagai lemai.

¹¹Enti orang ke mansutka utai ti kamah nya bisi negu siku ari bala kita, sebedau iya masu jari diri, orang ke ditegu iya nya enda tau enda masu gari diri, lalu mandi, lalu iya deka mengkang enda tuchi nyentuk ngagai lemai.

¹²Periuk tanah ti udah kena tegu orang nya, enda tau enda dipechahka, lalu semua mangkuk ti digaga ari kayu, enda tau enda dibasu.

¹³Lebuh orang nya udah digeraika ari penyakit nya, iya enda tau enda nganti tujuh hari. Udah nya iya masu gari diri, lalu mandi ba ai ti beresi. Nya baru iya deka nyadi tuchi.

¹⁴Ba hari ti kelapan, iya deka mai dua iku burung achang, tauka dua iku burung puna, ngagai penama Langkau Kain TUHAN, lalu meri utai nya ngagai imam.

¹⁵Imam nya deka meri siku ari burung nya nyadika piring pengampun dosa, lalu siku nyadika piring tunu. Nya meh chara imam ngereja pengawa nuchi orang nya.

¹⁶Lebuh ai mani pansut ari lelaki, iya enda tau enda mandi, lalu iya deka mengkang enda tuchi nyentuk ngagai lemai.

¹⁷Semua utai ti digaga ari kain tauka kulit jelu, ti udah alai ai mani nya nitik, enda tau enda dibasu magang, lalu utai nya mengkang enda tuchi nyentuk ngagai lemai.

¹⁸Lebuh lelaki enggau indu udah beleman, seduai iya enda tau enda mandi, lalu seduai iya deka mengkang enda tuchi nyentuk ngagai lemai.

¹⁹Lebuh indu datai kain, iya mengkang enda tuchi tujuh hari. Barang sapa negu iya, deka mengkang enda tuchi nyentuk ngagai lemai.

²⁰Utai ti udah alai iya duduk, tauka alai iya gali, lebuh iya datai kain, nyadi enda tuchi.

²¹Barang sapa negu peninduk iya, tauka negu sebarang utai ti udah alai iya duduk, enda tau enda masu gari diri lalu mandi, lalu orang nya mengkang enda tuchi nyentuk ngagai lemai.

²⁴Enti lelaki beleman enggau indu nya lebuh iya datai kain, lelaki nya dirampit pengamah indu nya, lalu lelaki nya deka mengkang enda tuchi tujuh hari, lalu peninduk ti alai lelaki nya gali, nyadi enda tuchi.

²⁵Enti indu bisi begetah dua tiga hari, lebuh ukai maya iya datai kain, tauka iya begetah ngelui ari pengelama iya datai kain, indu nya mengkang enda tuchi sekumbang iya ke mengkang begetah, baka lebuh iya ke datai kain.

²⁶Sebarang peninduk ti udah alai indu nya gali, tauka sebarang utai ti udah alai iya duduk lebuh maya nya, deka nyadi enda tuchi.

²⁷Barang sapa negu semua utai nya, deka nyadi enda tuchi, lalu enda tau enda masu gari diri, lalu mandi. Sida nya deka mengkang enda tuchi nyentuk ngagai lemai.

²⁸Lebuh indu nya ngetu datai kain, iya enda tau enda nganti tujuh hari. Udah nya baru iya nyadi tuchi.

²⁹Ba hari ti kelapan, iya deka mai dua iku burung achang, tauka dua iku burung puna, ngagai imam ba penama ngagai Langkau Kain TUHAN.

³⁰Imam nya deka meri siku ari burung nya nyadika piring pengampun dosa, lalu siku nyadika piring tunu. Nya meh chara imam nya deka ngereja pengawa nuchi indu nya.

³¹TUHAN ngasuh Moses meri ngagai orang Israel jaku tangkan, madahka pasal pengamah sida, ngambika sida enda ngamahka langkau sembiang nya ti ba tengah-tengah kem sida. Enti sida ngamahka langkau sembiang nya, sida deka dibunuh.

³²Tu meh adat pasal orang ke mansutka utai ti kamah ari tubuh, mansutka ai mani,

³³indu ke datai kain, tauka lelaki ti udah beleman enggau indu ke enda tuchi.