Read Iban Jeremiah 39 Bible Online

Jeremiah 39 - Iban bible

Jeremiah 39

¹Dalam bulan ti kesepuluh, taun ti kesemilan Sedekiah nyadi raja menua Judah, Raja Nebukadnesar menua Babilon datai enggau semua bala soldadu iya, lalu nyerang Jerusalem.

²Kena semilan hari bulan ti keempat, dalam taun ti kesebelas Sedekiah nyadi raja, dinding nengeri Jerusalem bumbus laban munsuh. (

³Lebuh Jerusalem alah,[49] semua bala pemesai raja menua Babilon datai lalu nudukka diri ba Pintu Tengah. Bala sida nya nyengkaum Nergal Sareser, Samgar Nebo, Sarsekim, enggau siku agi orang ke benama Nergal Sareser.[50])

⁴Lebuh Raja Sedekiah enggau bala soldadu iya meda utai nya nyadi, sida nguji ngerarika diri ari nengeri nya lebuh malam hari. Sida rari nengah kebun istana, bejalai nengah pintu ti besabungka dinding kuta dua lapis nya, lalu rari tunga ngagai Lebak Jordan.

⁵Tang bala soldadu orang Babilon begagaika sida, lalu nangkap Sedekiah ba emperan semak Jeriko. Udah nya sida mai iya ngagai Raja Nebukadnesar, ke bisi di nengeri Riplah di menua Hamat lebuh maya nya. Dia Nebukadnesar lalu ngeletak ukum ke Sedekiah.

⁶Iya munuh bala anak Sedekiah di Riplah, di mua Sedekiah empu, lalu iya mega ngasuh bala pemesai orang Judah dibunuh.

⁷Udah nya, iya ngasuh orang ngeruk leka mata Sedekiah, lalu ngasuh iya ditanchang ngena rantai, lalu dibai ngagai menua Babilon.

⁸Lebuh utai nya benung nyadi, orang Babilon nunu istana raja, enggau rumah orang mayuh, lalu ngeruntuhka dinding kuta nengeri Jerusalem.

⁹Ke penudi iya, Nebusaradan, ti nyadi tuai soldadu, nabanka orang ke agi idup ari nengeri nya, sereta enggau sida ke udah ngalih ari iya, nyadi orang tangkap ngagai menua Babilon.

¹⁰Tang iya ninggalka orang ke pemadu seranta, orang ke nadai reta tengkira, di menua Judah lalu iya meri sida kebun anggur enggau tanah umai.

¹¹Tang Raja Nebukadnesar ngasuh Nebusaradan, ti nyadi tuai soldadu, meri atur tu:

¹²“Giga Jeremiah, lalu intu iya enggau manah. Anang ngemediska iya, tang kereja sebarang utai ti dipinta iya.”

¹³Nya alai Nebusaradan, enggau bala pemesai ti tinggi pangkat, iya nya Nebusasban enggau Nergal Sareser, enggau semua bala pemesai Babilon ti bukai,

¹⁴ngasuh orang mai aku ari tengah laman istana. Sida lalu nyerahka aku ngagai Gedaliah anak Ahikam, uchu Sapan, ke diasuh nentuka aku pulai ngagai rumah aku empu enggau likun. Nya alai aku diau dia begulai enggau orang mayuh.

¹⁵Lebuh aku agi kena tutup ba tengah laman istana, TUHAN ngasuh aku

¹⁶madahka ngagai siku orang Etiopia ke benama Ebetmelek pasal TUHAN ti Pemadu Bekuasa, ti Allah Taala ke disembah orang Israel ti udah nyebut jaku tu: “Munyi ti ku Aku, Aku deka ngerusak nengeri tu, ukai deka ngasuh iya kaya-raja. Lalu nuan empu deka meda utai nya nyadi.

¹⁷Tang Aku ti TUHAN, deka nyaga nuan lebuh hari nya, lalu nuan enda diserahka ngagai orang ke diketakutka nuan.

¹⁸Aku deka nyaga nuan likun, lalu nuan enda kena bunuh. Nuan enda dibunuh laban nuan udah manggaika pengarap nuan ba Aku. Aku ti TUHAN, udah bejaku.”