Read Iban Jeremiah 45 Bible Online

Jeremiah 45 - Iban bible

Jeremiah 45

¹ Dalam taun ti keempat Jehoiakim anak Josiah nyadi raja menua Judah, dia Baruk nuliska utai ti udah disebut aku ngagai iya. Udah nya aku madahka ngagai iya

²pasal TUHAN Allah Taala ke disembah orang Israel ti udah nyebut, “Baruk

³nuan bisi nyebut, ‘Tusah amat meh aku tu! Udah ga aku pedis, agi ga TUHAN nambahka penusah ati aku. Aku nyau lembut tulang bedemuh lalu enda ulih belelak!’

⁴“Tang Aku ti TUHAN, deka ngeruntuhka utai ti udah digaga Aku, lalu nyabut utai ti udah ditanam Aku. Aku deka ngereja nya di serata dunya.

⁵Kati nuan minta diri dikemesaika orang? Anang. Aku deka ngasuh penusah ti besai ninggang semua mensia, tang nuan semina ulih ngidupka nyawa diri aja di sebarang endur nuan bejalai. Aku ti TUHAN, udah bejaku.”