Read Iban Esekiel 2 Bible Online

Esekiel 2 - Iban bible

Esekiel 2

¹Ku nyawa nya bejaku, “Esekiel, anak mensia, bediri nuan. Aku deka bejaku enggau nuan.”

²Lebuh nyawa nya benung bejaku, Roh Allah Taala lalu tama ngagai aku, lalu ngangkatka aku bediri, lalu aku ninga munyi nyawa nya majak bejaku.

³Ku Iya, “Anak mensia, Aku ngasuh nuan mansang ngagai orang Israel. Sida udah angkat ngelaban Aku, lalu agi mengkang nyadi orang ke ngelaban, baka aki ini sida menya.

⁴Sida kieh, lalu enda bebasaka Aku, nya alai Aku ngasuh nuan madahka utai ti disebut Aku, TUHAN Allah Taala ngagai sida.

⁵Nemuka bala orang ke ngelaban nya mendingka nuan tauka enda, sida deka nemu siku nabi bisi udah begulai enggau sida.

⁶“Tang nuan, mensia, enda tau takutka sida, tauka takutka utai ti disebut sida. Sida deka nyakap nuan lalu ngeleseka nuan, lalu nuan deka asai ke idup begulai enggau kala. Tang nuan enda tau takutka orang ke angkat ngelaban nya, tauka takutka utai ti disebut sida.

⁷Nuan deka madahka ngagai sida sebarang utai ti diasuh Aku sebut nuan, nemuka sida mending tauka enda. Ingat, semua sida nya orang ke angkat ngelaban magang.

⁸“Anak mensia, pendingka utai ti dipadahka Aku ngagai nuan. Anang angkat ngelaban baka sida nya. Buka nyawa nuan lalu empa utai ti deka diberi Aku ngagai nuan.”

⁹ Aku lalu tepedaka siti jari nyuaka siti gulung surat ngagai aku.

¹⁰Jari nya lalu muka gulung surat nya, lalu aku meda gulung surat nya udah ditulis ari sepiak-sepiak, tulis ti ngundan sabak tusah ati enggau munyi rauh orang ke nyabak sereta bedemuh.