Read Iban Esekiel 48 Bible Online

Esekiel 48 - Iban bible

Esekiel 48

¹Garis entara menua ti di utara nuju tunga ke timur berengkah ari Tasik Tengah nyentuk ngagai nengeri Hetlon, ngagai Lebo-hamat, ngagai nengeri Enon, ngagai garis entara menua perintah Damaskus enggau Hamat. Genap raban bansa deka nerima sebagi ari tanah nya berengkah ari garis entara menua ti muak ke timur nyentuk ngagai Tasik Tengah di barat. Baka tu ku ripih bagi menua ti diungkupka ngagai tiap-tiap raban bansa, berengkah ari utara nyentuk ke selatan: Dan Aser Naptali Manasi Epraim Reuben Judah

⁸Tanah ti nangkanka menua raban bansa Judah enda tau enda dibagi nyadi endur ti besai amat guna. Buka tanah nya 12.5 kilometer ari utara ke selatan. Lalu pemanjai iya ari timur nuju ke barat nya sebaka enggau pemanjai menua ti diberi ngagai raban bansa orang Israel ti bukai. Tu meh tanah alai Rumah Sembiang deka digaga.

⁹Ba tengah-tengah tanah tu, siti endur ti panjai 12.5 kilometer, buka 10 kilometer, deka diserahka ngagai TUHAN.

¹⁰Sida imam deka bulih bagi ari tanah ti kudus tu. Ari timur ke barat, pemanjai tanah sida nya 12.5 kilometer, lalu ari utara ke selatan, 5 kilometer. Lalu Rumah Sembiang deka digaga ba tengah-tengah tanah tu.

¹¹Tanah ti kudus tu diberi ngagai bala sida imam ti ari peturun Sadok. Sida udah gawa ke Aku enggau ati ti tetap, lalu nadai enggau orang Israel ti bukai ngereja utai ti salah, baka ke udah dikereja raban bansa Lewi ti bukai.

¹²Nya alai sida diberi tanah ngimbai tanah ti diempu orang Lewi, lalu tanah nya deka nyadi endur ti pemadu kudus.

¹³Orang Lewi mega diberi tanah muak ke selatan ari tanah sida imam. Pemanjai tanah nya mega 12.5 kilometer ari timur ke barat, lalu buka iya 5 kilometer ari utara ke selatan.

¹⁴Tanah ti diserahka ngagai TUHAN nya tanah ti pemadu manah di menua Israel, lalu tanah nya enda tau dijual, tauka disilih, tauka ditukar nama ngagai nama orang bukai. Tanah nya kudus lalu endang enggi TUHAN.

¹⁵Teda tanah nya, ti panjai 12.5 kilometer enggau buka 2.5 kilometer, nya ukai tanah ti kudus, tang tau dikena orang mayuh. Sida tau diau dia, lalu ngena tanah nya. Nengeri deka digaga ba tengah-tengah tanah nya,

¹⁶lalu tanah nya besegi empat, pemanjai tisi sepiak-sepiak 2.25 kilometer.

¹⁷Ngelingi nengeri nya bisi tanah ti lapang. Buka tanah nya 125 meter.

¹⁸Teda tanah ti agi tinggal lebuh nengeri nya udah digaga muak ari selatan tanah ti kudus nya, deka nyadi endur alai orang nengeri nya betanamka utai. Pemanjai teda tanah nya muak ke timur nya 5 kilometer, lalu buka iya 2.5 kilometer. Pemanjai iya muak ke barat 5 kilometer, lalu buka iya 2.5 kilometer.

¹⁹Barang sapa diau dalam nengeri nya, enda milih bagi raban bansa sida nya, tau betanamka utai ba tanah nya.

²⁰Nya alai tanah nya, nyengkaum tanah ti diungkup alai ngaga nengeri nya, besegi empat. Pemanjai tisi siti-siti 12.5 kilometer.

²¹Teda tanah ti tunga ke timur enggau ke barat ari tanah ti alai Rumah Sembiang bediri, ti alai tanah bala sida imam, tanah orang Lewi, enggau tanah alai nengeri nya bediri, semua diempu raja. Tanah nya nganchau nyentuk ngagai garis entara menua di timur enggau nyentuk ngagai Tasik Tengah di barat. Di utara tanah nya bekunsika garis entara menua enggau tanah raban bansa Judah, lalu di selatan iya bekunsika entara enggau tanah raban bansa Benjamin.

²³Tanah ti muak ke selatan tanah nya, iya nya kenyau ari garis entara menua ti di timur nyentuk ngagai Tasik Tengah di barat, enda tau enda dibagi baka tu, betusun ari utara ngagai selatan: Benjamin Simeon Isakar Sebulun Gat

²⁸Ba tisi selatan tanah ti diberi ngagai raban bansa Gat, garis entara menua nya nuju ke selatan-barat berengkah ari Tamar ngagai mata ai Kades, lalu udah nya, nuju ke utara-barat niti garis entara menua enggau orang Ejip, ngagai Tasik Tengah.

²⁹Ku TUHAN Allah Taala bejaku, “Nya meh jalai menua nya deka dibagi ngagai semua raban bansa orang Israel, nyadika pesaka sida.”

³⁰ Nengeri Jerusalem bisi dua belas iti pintu. Pemanjai genap iti dinding kuta nya 2.25 kilometer, lalu genap iti dinding nya bisi tiga iti pintu. Genap iti pintu nya ngangkatka nama siti raban bansa orang Israel. Pintu ti ba dinding utara nya ngangkatka nama Reuben, Judah enggau Lewi. Pintu ti ba dinding timur ngangkatka nama Josep, Benjamin, enggau Dan. Pintu ti ba dinding selatan ngangkatka nama Simeon, Isakar, enggau Sebulun. Lalu pintu ti ba dinding barat ngangkatka nama Gat, Aser, enggau Naptali.

³⁵Pemanjai semua dinding ti ngelingi nengeri nya, 9 kilometer. Belabuh ari diatu, nama nengeri nya “TUHAN Bisi Ditu!”