Read Iban Hosia 12 Bible Online

Hosia 12 - Iban bible

Hosia 12

¹Semua utai ti dikereja orang Israel ari pagi nyentuk ngagai malam sigi nadai guna magang, sereta tau ngerusak. Sida majak bula sereta mangah. Sida ngaga sempekat enggau Asiria, lalu bedagang enggau menua Ejip.”

²TUHAN deka bedawaka orang Judah, lalu ngukum Israel ketegal ulah bala nembiak iya. Iya deka malas sida ketegal utai ti udah dikereja sida.

³ Aki sida ke benama Jakop belaban enggau menyadi iya Esau lebuh seduai iya agi dalam kandung. Lebuh Jakop nyau besai tuai, iya belaban enggau Allah Taala.

⁴ Iya belaban enggau siku melikat, lalu menang. Iya nyabak lalu minta berekat. Lalu Allah Taala datai ngagai aki kitai Jakop di Betel, lalu bejaku enggau iya.[35]

⁵Tu meh TUHAN ti Pemadu Bekuasa, lalu nama Iya TUHAN, nama ke dikena kitai nyembah Iya.

⁶Nya alai, peturun Jakop, panggaika pengarap kita ba Allah Taala, lalu pulai baru ngagai Iya. Kita enda tau enda taluk sereta lurus, lalu enggau ati ti liat, anti meh Allah Taala kita.

⁷Ku TUHAN bejaku, “Orang Israel enda betul ati baka orang Kanaan. Sida rindu nipu orang ke meli utai ngena dachin ti enda betul.

⁸Ku sida, ‘Kami tu kaya. Kami udah bulih pengaya. Lalu nadai orang tau ngumbai kami bulih pengaya nya ngena jalai ti enda betul.’

⁹ Tang Aku TUHAN Allah Taala kita, ti udah mai kita pansut ari menua Ejip, deka ngasuh kita diau dalam langkau kain baru, baka kita kelia lebuh Aku datai ngagai kita di menua puang.

¹⁰“Aku udah bejaku ngagai bala nabi lalu meri sida genera, lalu nengah bala nabi nya Aku udah meri jaku tangkan ngagai bala nembiak Aku.

¹¹Tang taja pia, engkeramba agi disembah di Giliat, lalu sida ke nyembah engkeramba nya, deka mati. Sapi ti lelaki digaga nyadika piring di Gilgal, lalu alta ti dia deka nyadi tugung batu ba padang.”

¹² Aki kitai Jakop rari ngagai menua Mesopotamia, alai iya ke bekereja ke orang siku, lalu ngibun raban bedus ke orang nya, kena iya ngulihka bini.

¹³ TUHAN ngasuh siku nabi ngelepaska orang Israel ti nyadi ulun di menua Ejip, lalu ngibun sida.

¹⁴Orang Israel udah ngasuh TUHAN balat ringat. Sida patut dibunuh ketegal penyalah sida. TUHAN sida deka ngukum sida laban sida udah ngemaluka Iya.