Read Iban Hosia 3 Bible Online

Hosia 3 - Iban bible

Hosia 3

¹Ku TUHAN bejaku ngagai aku, “Alai nuan mupuk baru [9] lalu ayanka pengerindu nuan ke siku indu ke butang enggau ambai iya. Nuan enda tau enda rinduka iya baka Aku ti agi mengkang rinduka orang Israel, taja pen sida limpang ngagai petara bukai, lalu rindu mai piring buah anggur ti udah disalai ngagai engkeramba.” [10]

²Nya alai aku lalu meli indu nya ngena rega 15 singkap duit pirak enggau 150 kilogram barli.

³Aku lalu madahka iya deka lama nganti aku, lalu enda tau nyundal, tauka butang, lalu aku pen enda mega tau beleman enggau iya.

⁴Nya meh pengelama orang Israel deka idup nadai raja tauka tuai bansa, nadai ngenjuk piring, nadai tiang batu keramat, nadai engkeramba, nadai anak patung kena nujum.

⁵Tang maya deka datai alai orang Israel deka sekali agi pulai baru ngagai TUHAN Allah Taala sida enggau ngagai peturun David ke nyadika raja sida. Udah nya baru sida deka nangika TUHAN, lalu nerima pemeri ti manah ari Iya.